Qarabağda Rusiya sülhməramlıları üçün daha 4 şəhərcik salındı (VİDEO)

Qarabağda Rusiya sülhməramlıları üçün daha 4 şəhərcik salındı (VİDEO)

Dağlıq Qarabağda rus sülhməramlıları üçün daha 4 yeni modul tipli şəhərcik tikilib.
 
Qaynarinfo xəbər verir ki, bu barədə bazar ertəsi Rusiya Müdafiə Nazirliyinin mətbuat xidmətindən bildirilib.

Yeni modul tipli qəsəbələrin Xankəndi və Xocavənddə istifadəyə verildiyi qeyd olunur.

Beləliklə, bu günə qədər sülhməramlı kontingentin hərbi heyəti üçün 8 qəsəbə inşa edilib.

"Modul qəsəbələrin inşası sülhməramlı heyət üçün rahat yaşayış şəraiti yaratmağa, qida, hamam və çamaşır məsələlərini yaxşılaşdırmağa imkan verib", - deyə məlumatda bildirilib.

Bu şəhərciklər enerji təchizatı, isitmə, hamam otaqları, su, kanalizasiya, mebel və məişət texnikası - bütün zəruri komponentlərlə təchiz olunmuş obyektlər sayılır.

Hər şəhərciyin ərazisində süni örtüklü idman zalı, tibb məntəqəsi, istirahət məkanı, ofis, anbar otağı, yeməkxana və dükan var.

Xatırladaq ki, Rusiya, Azərbaycan və Ermənistan liderləri - Vladimir Putin, İlham Əliyev və Nikol Paşinyan 10 noyabr 2020-ci il tarixində Qarabağda atəşkəsə dair birgə bəyanat qəbul ediblər.

Rusiya Federasiyasının sülhməramlı kontingenti atəşkəsə nəzarət etmək üçün 1960 nəfərlik hərbi heyət, 90 zirehli texnika, 380 ədəd avtomobil və xüsusi texnika ilə Dağlıq Qarabağda yerləşdirilib. 

  • Tərəfdaşların xəbərləri
XƏBƏRLƏR
BLOGLAR