İyulun 15-dən Gürcüstanın paytaxtı Tbilisidə təlim-məşq toplanışında olan "Sabah” toplanış çərçivəsində son oyununu keçirib.
Qaynarinfo klubun rəsmi saytına istinadən xəbər verir ki, Bakı klubu "Zestafoni”nin təlim-məşq bazasının stadionunda keçirilən, Azərbaycanın mərhum gənclər və idman naziri Azad Rəhimovun xatirəsinə həsr olunmuş matçda yerli "Saburtalo” ilə qarşılaşıb.
Baş məşqçi Ramin Quliyev görüşdə aşağıdakı start heyətə şans verib: Səlahət Ağayev, Amin Seydiyev, Bəxtiyar Həsənalızadə, Zurab Oçiqava, Slavik Alxasov (k), Coşqun Diniyev, Elvin Camalov, Xuan Kamara, Aleksey İsayev, Coy-Lens Mikels, Xulio Rodriqes.
Görüşün əsas vaxtı 1:1 hesabı ilə başa çatıb. Belədə qalibi müəyyənləşdirmək üçün oyunsonrası penaltilər seriyasına müraciət edilib. Burda 4:2 hesabıyla üstün olan "Saburtalo” matçdan qalib ayrılıb.
Bu oyunla Tbilisi toplanışına yekun vuran komanda bu gün səhər saatlarında Vətənə qayıdacaq.
"Sabah” Tbilisi toplanışı çərçivəsində daha öncə "Şukura” (1:0), "Samqurali” (0:1) və "Telavi” (1:3) ilə qarşılaşmışdı.
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər