Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Serbiyada erməni təxribatının qarşısı alınıb (FOTO)
Serbiyada ermənilərin Azərbaycana qarşı təxribatının qarşısı alınıb.
Bu barədə Qaynarinfo-ya Xarici İşlər Nazirliyinin Mətbuat xidmətindən məlumat verilib.
Nazirlikdən bildirilib ki, Azərbaycanın Serbiyadakı səfirliyi son günlər Nikola Tesla adına Belqrad Hava Limanındakı "Duty Free” mağazasında Azərbaycanın Ermənistan tərəfindən işğal olunmuş tarixi ərazilərində yaradılan qondarma rejim tərəfindən istehsal olunan və bu rejimin adına uyğun olaraq "Artsakh” brendi ilə şərab, konyak, araq və digər spirtli içki məhsullarının "Armenian Flavours” adlı ayrıca guşədə satışa çıxarıldığı faktını aşkar edib.
Məsələ ilə bağlı Azərbaycan səfirliyi tərəfindən operativ qaydada Serbiyanın dövlət və hökumətinənotalar ünvanlanıb, müvafiq görüşlər keçirilib. Azərbaycan dövlətinin işğal altında qalan tarixi ərazilərinə Ermənistan tərəfindən qondarma adlar verilərək həmin ərazilərdə istehsal olunan məhsulların xarici ölkələrdə təqdim edilməsinə, onların satışa çıxarılmasına qəti etiraz edilib və bu kimi faktların Azərbaycanın ərazi bütövlüyü və suverenliyinə hörmətsizlik kimi qiymətləndirildiyi bildirilib.
Həmçinin "Azərbaycan Respublikası və Serbiya Respublikası Arasında Dostluq Münasibətləri və Strateji Tərəfdaşlıq haqqında Bəyannamə” və 21 may 2018-ci il tarixində imzalanan "Azərbaycan Respublikası ilə Serbiya Respublikası arasında Strateji Tərəfdaşlıq üzrə Birgə Fəaliyyət Planı”nın müvafiq müddəlarına istinad edərək Nikola Tesla adına Belqrad Hava Limanındakı "Duty Free” mağazasında "Artsakh” brendi adı ilə müxtəlif spirtli içki məhsullarının satışının aradan qaldırılması xahiş edilib.
Səfirlik tərəfindən görülən çevik, təxirəsalınmaz tədbirlər nəticəsində sözügedən məhsulların Belqrad Hava Limanındakı "Duty Free” mağazasında satışı qadağan edilib, məhsullar satış rəflərindən yığışdırılıb, Azərbaycan və Serbiya arasında qarşılıqlı etimad və etibara, beynəlxalq səviyyədə mövcud olan davamlı dəstəyə söykənən strateji tərəfdaşlıq münasibətlərinin ruhuna uyğun olaraq, iki ölkənin milli maraqlarına zidd olan hər hansı bir addımın qarşısının alınacağı vurğulanıb.
Oxşar xəbərlər
Əbülfəz Elçibəyin doğum günüdür
Ölkə
24.06.2021
Nura Suri daha iki nəfəri polisə verdi
Maqazin
16.03.2022
"Bavariya" yeni transferə hazırlaşır
İdman
24.04.2022
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər