Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Sevgilisini daha çox görmək istəyən iş adamı ömürlük həbs cəzası aldı
Hindistanda sevgilisini daha çox görə bilmək üçün təyyarənin tualetinə "Təyyarədə 12 quldur və partlayıcılar var" yazılmış kağız qoyan bir iş adamına ömürlük həbs cəzası verilib.
Birju Salla sevgilisini Mumbaya köçməyə razı sala bilmədiyi üçün onun çalışdığı təyyarə şirkətinin imicini zədələmək və sevgilisinin işsiz qalmasına nail olmaq üçün belə hərəkət etdiyini açıqlayıb.
Məhkəmə ona 720 min dollar təzminat cəzası da kəsib.
2017-ci ilin oktyabr ayında Yeni Dehli-Mumbay reysi üzrə uçan "Jet Airways" təyyarəsi Sallanın məktubu ucbatından təcili surətdə başqa bir şəhərə enmək məcburiyyətində qalmışdı.
Hindistanlı iş adamı saxta xəbərdarlıq məktubu vasitəsilə "Jet Airways"-in Dehli uçuşlarını ləğv etməsini və bu şirkətdə stüardessa olaraq çalışan sevgilisinin Mumbayda onunla birlikdə yaşamasını təmin etmək istəyib.
Birju Salla Hindistanda təyyarə qaçırma cəzasının ağırlaşdırıldığı yeni qanunla ittiham edilən və cəza alan ilk şəxsdir.
Yeni qanunla təyyarə qaçırmağa görə minimum cəza ömürlük həbsdir, bəzi hallarda edam cəzası da verilə bilər.
Təyyarə təcili eniş edib
Salla xəbərdarlıq məktubunu iş yerindəki kompüterində yazdığını etiraf edib. Məktubda "Təyyarədə 12 quldur və partlayıcılar var. Təyyarəni Kəşmirə (Kəşmirin Pakistan idarəçiliyində olan hissəsinə) endirin" yazılıbmış.
Məktub tapılandan sonra təyyarə təyinat nöqtəsindən 778 kilometr aralıdakı Əhmədabad şəhərinə təcili eniş etməli olub.
Məhkəmə qeydlərində Sallanın evli olduğu, o dönəmdə Yeni Dehlidə yaşayan stüardessayla sevgi əlaqəsinə girdiyi yazılır.
İstintaqı aparmış müstəntiq Fransa informasiya agentliyi AFP-yə açıqlamasında bildirib ki, Salla təyyarəni qaçırmaq istəməyib, amma Hindistan qanunlarına görə təyyarə qaçırmaq təhdidi də təyyarə qaçırmaq cəhdi kimi qiymətləndirilir.
Sallanın ödəyəcəyi təzminat təyyarənin pilotlarına, kabin qrupuna və sərnişinlərinə paylanacaq.
Pilotların hər biri təqribən 1.500 dollar, kabin qrupu üzvlərinin hər biri 750 dollar, sərnişinlərin hər biri 375 dollar alacaq.
Sallanın vəkili Rohit Verma qərardan apelyasiya şikayəti verəcəklərini açıqlayıb.
Bir zamanlar Hindistanın ikinci böyük aviaşirkəti olmuş "Jet Airways" maliyyə böhranı ucbatından bu ilin əvvəllərində bütün uçuşlarını təxirə salmışdı.
Mənbə: BBC
Oxşar xəbərlər
Əbülfəz Elçibəyin doğum günüdür
Ölkə
24.06.2021
Nura Suri daha iki nəfəri polisə verdi
Maqazin
16.03.2022
"Bavariya" yeni transferə hazırlaşır
İdman
24.04.2022
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər