Superfinala vəsiqə qazanan baş məşqçimiz: “Hakimlər bizə çox haqsızlıq edirdilər”

Millimizin baş məşqçisi Zeynal Zeynalov bu uğurla bağlı Qaynarinfo-ya müsahibə verib, qarşıdakı planlardan danışıb.

- İndiki nəticə komandamız üçün əladır. Bildiyiniz kimi, 3 oyun keçirdik. Almaniya, İtaliya və İspaniya ilə qarşılaşdıq. Əvvəlcə İtaliya ilə oynadıq. Məğlub olsaq da, uşaqlar yaxşı oynadı. İkinci oyunda almanlara qaib gəlsək də, üçüncü turda ispanlara uduzduq. Buna baxmayaraq, Superfinala vəsiqə qazandıq. Uşaqlar, demək olar, bütün oyunlarda özlərini yaxşı tərəfdən göstərdilər. Xüsusən də İspaniya ilə matçda. Amma hakimlərin hər üç komandaya simpatiyası hiss olunurdu. Bizə qarşı çox haqsızlıq edirdilər. Yenə də uşaqlara halal olsun. Verilən tapşırıqları artıqlaması ilə yerinə yetirdilər. Onlardan razı qaldım.

- Bəli, demək olar, eyni nüfuza malikdirlər. Amma həmişə uşaqlara deyirəm ki, meydançada ad deyil, futbolçu rol oynayır. Hər şeyi oyunçunun istəyi, xarakteri həll edir. Həmişə uşaqlara başa salıram, adın bizim üçün önəmi yoxdur. Biz Azərbaycanı layiqincə təmsil etməliyik. Uşaqlara afərin deyirəm ki, əllərindən gələni etdilər. Bir daha vurğulayım ki, hakimlər bəzən bizə oynamağa imkan vermirdi. Rəqiblərə daha çox simpatiya göstərirdi. İstənilən halda əsas məqsədimiz Superfinala vəsiqə qazanmaq idi və bunu bacardıq.

- Bizim etirazımızın onlar üçün heç bir önəmi yox idi. Bilirsiniz ki, İspaniya, Almaniya, İtaliya futbol ölkəsi sayılır. Onlara həmişə simpatiya olub. Ona görə də uşaqlara başa salırdım ki, belə hallar gözlənilir. Buna hazır olmaq lazımdır. Almaniyaya da çox köməklik etdilər. Ancaq qələbə qazandıq. 

- Hər oyundan əvvəl analiz edirdik. Öz oyunumuzu da onlara uyğun qururduq. Demək olar, ən çətin qruplardan birinə düşmüşdük. 

- Hazırda Avropada ilk "10-luq”dayıq. Bir oyunumuz qalıb. Ukrayna ilə oynamalıyıq. Bu komandanı da keçsək, Avropada ilk "altılığ”a düşəcəyik. Bu, Azərbaycan üçün böyük nəticədir. Bir ilk ola bilər.  

- Həddindən artıq güclü, çətin rəqibdir. Amma uşaqlara demişəm ki, bu bizim üçün şansdır. Əvvəla Azərbaycanı təmsil edirik. Ölkənin adını həmişə yüksəklərdə saxlamalıyıq. Ukraynanın oyunlarını analiz etmişik. Yenidən baxılacaq, ona uyğun hazılaşacağıq. Nəticənin necə olacağını, zaman göstərəcək. Çalışacağıq qələbə qazanaq. 

- Bu, Azərbaycan millisi üçün böyük nəticədir. Çimərlik futbolunun bütün "qaymaqları” Superfinalda olur. Bundan sonra da hər addım Azərbaycan üçün böyük nəticədir. Portuqaliya, İspaniya, İtaliya… Ən güclü komandalar toplaşıb. Zəif, rahat keçiləsi rəqib yoxdur. İrəli getmək şansımız var. 

- Uşaqları bir həftəlik istirahətə buraxmışam. Yığışandan sonra yoldaşlıq oyunları keçirməyi planlaşdırmışıq. Rəhbərliklə də danışılacaq. Güclü rəqiblərlə beynəlxalq yoldaşlıq matçları keçirmək istəyirik. Çünki Superfinalda rəqiblərimiz də güclü olacaq. Çalışırıq ki, yoxlama oyunlarının sayı çox olsun. 

- Bəli, nəzərdə tutulub. Danışıqlardan sonra bilinəcək. İran, Belarus yığmaları ilə oynamaq olar. Həm güclü rəqiblərdir, həm də bizə yaxındırlar.  

- Yenilik deyəndə, 7-8 nəfər yeni futbolçumuz var. Demək olar, ikinci "dördlük” təzədir. Əlavə bir neçə nəfər də futbolçu var. Hələ ki, yolumuzu indiki futbolçularla davam etdirəcəyik. Oyunçu tapmaq çətindir. Çimərlik futbolunda çempionat keçirilmədiyinə görə əziyyət çəkirik. Futbolçular da hamısı böyük futbola qaçır. Onları da Birinci Diviziondan, minifutboldan, Region Liqasından götürmüşük. Yenə də axtarırıq, məşqlərə cəlb edirik ki, bizimlə olsunlar. Hazırkı heyətdə yəqin ki, ciddi dəyişiklik olmayacaq. Superfinala elə bu oyunçularla gedəcəyik. Ola bilər müəyyən kiçik dəyişikliklər edək.

- Olimpiya yığması yaratmışıq. 19-21 yaşlı uşaqlardan ibarədir. Məşqçilərimiz uşaqları nəzarətdə saxlayırlar. Həmin yığmada iki futbolçu var ki, əsas milliyə cəlb etmək istəyirik. Bu yöndə işlər gedir. Digər futbolçuları da diqqətdə saxlayırıq. İmkan daxilində onları da əsas milliyə "dartmağa” çalışacağıq. Bizimlə məşq edib uyğunlaşsınlar. Çimərlik futbolu klublarımız olmadığı üçün onlar futzalda, böyük futbolda oynayırlar. 

- Bu spesifik futboldur, hər adam oynaya bilmir. Futbolçudan asılıdır, uyğunlaşa bilirsə, bizimlə qalır. Burada əsas rol oynayan onun texnikası və fiziki durumudur. Hər ikisi yaxşı olmalıdır.

- Çempionat hələ ki, azyaşlılar arasında olacaq. Superfinala hazırlıqlara görə böyüklər arasında hələlik çempionat gözlənilmir. Amma olmasını istəyərdik. Klubları yığmaq çətindir. Üstübağlı meydançamız olmadığına görə hələ ki, qış mövsümündə çempionat keçirmək üçün şəraitimiz yoxdur.