ABŞ prezidenti Donald Tramp Avropa ölkələrində yerləşdirilmiş Amerika hərbi kontingentini çıxarmaq niyyətində olmadığını bildirib.
Qaynarinfo "Avropa həqiqəti"nə istinadla xəbər verir ki, o, bu barədə Mar-a-Laqoda jurnalistlərlə söhbətində
danışıb.
Trampdan Kremlin rəhbəri Vladimir Putinlə sülh razılaşması çərçivəsində ABŞ qoşunlarını Avropadan çıxarmağa hazır olub-olmadığı soruşulub.
Buna cavab olaraq ABŞ prezidenti "məndən bunu heç kim istəməyib" deyə bildirib.
"Bunu etməyə ehtiyac olacağını düşünmürəm. Mən bunu etmək istəməzdim. Amma bu məsələ heç vaxt gündəmə gətirilməyib", – deyə Tramp qeyd edib.
Xatırladaq ki, 18 fevralda Polşa prezidenti Andjey Duda amerikalı rəsmilərin ona Şərqi Avropada ABŞ qoşunlarının sayını azaltmaq niyyətində olmadıqlarına dair təminat verdiklərini açıqlayıb.
Ötən həftə ABŞ-ın müdafiə naziri Pit Hegset NATO müttəfiqlərinin ABŞ-ın Avropada daim qalacağını düşünməməli olduqlarını bəyan edib.
Litvanın xarici işlər naziri Kyastutis Budris də Avropanın təhlükəsizliyinin təmin olunması üçün ABŞ qoşunlarına güvəndiyi dövrün başa çatdığını hesab edir.
Alpər
Şərhlər