Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
13:29
Azərbaycana qış gəldi
Tramp Aİ-ni hədələyir, ABŞ-dan daha çox neft və qaz almağı tələb edir
Avropa İttifaqına üzv ölkələr ABŞ-dan daha çox neft və qaz almalıdır. Əks halda gömrük rüsumları qaldırılacaq.
Qaynarinfo "Bloomberg”ə istinadən xəbər verir ki, bunu ABŞ-ın yeni seçilmiş prezidenti Donald Tramp deyib.
"Mən Aİ-yə dedim ki, onlar bizim neft və qazımızı böyük miqdarda almaqla ABŞ-la olan böyük kəsirlərini kompensasiya etməlidirlər. Əks halda, bu, həmişəlik TARİF olacaq!!!" - Tramp özünün Truth Social sosial şəbəkəsində yazıb.
ABŞ dünyanın ən böyük xam neft istehsalçısı və mayeləşdirilmiş təbii qazın ən böyük ixracatçısıdır. Aİ və Vyetnam da daxil olmaqla LNG alıcıları, qismən tarif təhlükəsindən yayınmaq üçün ABŞ-dan daha çox yanacaq almaq barədə müzakirə aparıblar.
Aİ rəsmiləri və üzv ölkələr Trampın keçən ay seçkilərdə qələbə çalmasından sonra ticarət hücumuna hazırlaşır.
2017-ci ildə Tramp əvvəlki səlahiyyət müddətində milli təhlükəsizlik narahatlığını əsas gətirərək Avropa poladı və alüminiumuna tariflər tətbiq etməsi ilə bağlı gözlənilməz addım atıb. O vaxtdan bəri, Aİ öz ticarət doktrinasını yenidən nəzərdən keçirib və alətlər dəstini genişləndirib.
"Biz ABŞ-ın yeni administrasiyası ilə hər şeyin dəyişəcəyi ehtimalına yaxşı hazırlaşırıq", - Almaniyanın xarici işlər naziri Annalena Berbok noyabrın sonunda İtaliyada keçirilən G7 toplantısından sonra deyib. "ABŞ-ın yeni administrasiyası iqlim və ya ticarət sektorlarında "Öncə Amerika” siyasəti yürüdürsə, cavabımız "Avropa birdir” olacaq”.
Keçən ay Avropa Komissiyasının sədri Ursula fon der Lyayen ABŞ idxalının Aİ-nin Rusiya LNG istehlakını əvəz edə biləcəyi fikrini irəli sürüb.
"LNG "toxunduğumuz mövzulardan biridir, - fon der Lyayen Trampla telefon danışığından sonra bildirib. - Biz hələ də Rusiyadan, Rusiya vasitəsilə böyük miqdarda LNG alırıq. Bəs niyə onu daha ucuz və enerji qiymətlərimizi aşağı salan Amerika LNG-si ilə əvəz etməyək".
ABŞ artıq Avropaya ən böyük LNG tədarükçüsüdür, lakin Rusiya idxala görə ikinci yerdə qərarlaşıb. Aİ rəsmiləri, Rusiya boru kəməri qazı və LNG-nin sanksiyalardan kənar saxlamasına baxmayaraq, Ukraynaya qarşı müharibə davam edərkən Moskvanın rolunu məhdudlaşdırmağın yollarını axtarırlar. Blok gələn ay yeni sanksiyalar paketini müzakirə edərkən potensial tədbirləri nəzərdən keçirəcək, lakin ciddi məhdudiyyətlər çətin ki, baş tutsun, məsələ ilə tanış olan anonim mənbə bildirib.
Lakin Aİ hələ də Vaşinqtonla ticarət müharibəsinə girmək ehtimalına hazırlaşır. Aİ-nin yeni anti-məcburi aləti ticarət müdafiəsini gücləndirir və Avropa Komissiyasına bu cür siyasi motivli məhdudiyyətlərə cavab olaraq tariflər və ya digər cəza tədbirləri tətbiq etməyə imkan verir.
Nizami Bağırov
Oxşar xəbərlər
İspaniya Ukraynaya qoşun yeritməyəcək
Dünya
21.12.2024
"Neftçi" "Turan Tovuz"la heç-heçə etdi
İdman
21.12.2024
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər