YAP-çı deputat: “Azərbaycanda radikal İslam yoxdur”

“Azərbaycanda İslam var. Amma ölkədə siyasi və radikal İslam yoxdur”. 

Bunu Qaynar.info-ya açıqlamasında YAP-çı deputat Aydın Mirzəzadə deyib. A.Mirzəzadənin sözlərinə görə, Azərbaycan ənənəvi müsəlman ölkəsidir və mədəniyyətimiz islam dəyərləri ilə bağlıdır: 

“Bu baxımdan kimlərinsə siyasi islam təşkilatı yaratmaq istəyi kiçik bir qrupdan o tərəfə keçmir. Ümumilikdə, siyasi bəyanatlar verilməsi, prezident seçkilərində bu və ya digər şəxsi dəstəkləyəcəyi barədə fikirlər bildirilməsi kiçik dini siyasi təşkilatların mövqeyidir. Azərbaycanda hər hansı bir formada dini radikalizm üçün şərait yoxdur. Bundan sonra da Azərbaycan cəmiyyətində dinin mənəviyyat dərsi kimi öz yeri, siyasətin isə dövlət idarə edilməsində bir vasitə kimi öz yeri həmişə olacaq”.