Yenə sıxlıq, yenə çoxsaylı sərnişin növbəsi - Bakının nəqliyyat dərdi (VİDEO)

ARB Xəbər komandası məsələ ilə bağlı ətraflı sujet hazırlayıblar.

Sakin: "1 nömrəli avtobusu 1 saat gözləyib, hələ yarım saata da gedib çatıb taksi ilə gedirəmsə, metro ilə 20-30 dəqiqəyə gedib çataram, taksiyə də pul vermərəm”.

Sakin: "Vəziyyət çox çətindir. Evdən çıxıb iki saata işə çata bilmirsən, sıxlıqdır”.

Vəziyyətdən heç avtobus sürücüləri də məmnun görünmür. Kimisi metro açılsa, ağ günə çıxarıq deyir, kimisi də mövcud vəziyyətlə artıq barışıq görünür.  

Avtobus sürücüsü: "Nə qədər avtobus xəttə buraxmaq olar? 40 – 50 avtobus buraxanda artıq şəhərdə də nəqliyyat vasitələrinin sıxlığı olur, tıxaclar yaranır”.

Bəli, sıxlığı aradan qaldırmaq üçün artırılan avtobus sayı paytaxtda tıxaca səbəb olur. Belə olan halda həm avtobus intervalı uzanmış olur, həm də mənzil başına çatmaq istəyənlər saatlarla tıxacda gözləməli olur.

Taksi sürücüsü: "Demək olar ki, tıxacsız günümüz olmur. Səhər də, günorta da, axşam da tıxac olur. Metro olmasa bu tıxaclar hələ davam edəcək”.

Tədris ocaqlarının və rayonlara gediş-gəlişin açılacağını düşünsək, nəinki metroları əvəz edən ekspress avtobuslarında, eləcə də digər müntəzəm xətt üzrə maşrut avtobuslarında da sıxlığın, yollarda da isə tıxacın daha da artması gözlənilir. Yaşanan və yaşanacaq olan bu problemin isə hazırda yeganə həll yolu metronun açılmasında görünür. Bu isə Nazirlər Kabinetinin verdiyi qərardan asılıdır.