Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Zaqatalada leysan: evləri su basdı, bir maşını sel apardı, işıq kəsildi
Zaqatalaya yağan güclü leysan yağışları bir sıra fəsadlar törədib.
Qaynarinfo APA-ya istinadən xəbər verir ki, aprelin 13-ü axşam saatlarından başlayaraq ölkənin şimal-qərb bölgəsində qeyri-sabit hava şəraiti hökm sürür.
Fasilələrlə qısamüddətli yağışlar yağır, havanın temperaturu 8-10 dərəcə düşüb. Aprelin 14-dən 15-ə keçən gecə Zaqatala rayonu ərazisində güclü leysan yağışları yağıb.
Leysan nəticəsində mənbəyini dağlardan götürən iri və xırda dağ çaylarında suyun səviyyəsi qalxıb, bəzi çaylarda qısamüddətli sel yaranıb.
Rayonun Mazıx kəndi ərazisindən axan Dəli çayında qısamüddətli sel keçib, çay məcrasından çıxıb. Nəticədə çayın sağ və sol sahilində olan 200-dən artıq evin həyətyanı sahəsini su basıb, 15-ə yaxın evin birinci mərtəbəsinə su dolub, xeyli sayda ev quşu tələf olub, kəndin yaxınlığındakı fındıq bağları sel suları altında qalıb.
Mazıx kənd sakininə məxsus "VAZ 2106” markalı maşını sel aparıb.
Leysan yağışları nəticəsində qəzalarla bağlı gecə saatlarında rayona elektrik enerjisinin verilməsində fasilələr yaranıb. Rayonun Mamrux, Höytala, Yolayrıc və Maqov kəndlərində də bir sıra evlərin həyətyanı sahələrini yağış suları basıb, sakinlərin şəxsi təsərrüfatlarını ziyan dəyib.
Zaqatala rayon Fövqəladə Hallar Komissiyasının əməkdaşları gecə saatlarından başlayaraq Mazıx və digər kəndlərdə yaranan problemlərin həlli istiqamətində işlər aparır, sakinlərə və kəndlərə dəymiş ziyan hesablanır.
Zaqatala Paylayıcı Elektrik Şəbəkəsinin əməkdaşları baş verən qəzaları aradan qaldırılması istiqamətində tədbirlər görür. Səhər saat 10 radələrinə rayon ərazisinə elektrik enerjisinin verilməsi bərpa edilib.
Oxşar xəbərlər
Çovdarovun səhhəti pisləşdi, danışa bilmədi
Ölkə
22.05.2018
Prezident bu şəxsləri təltif etdi (SƏRƏNCAM)
Ölkə
22.05.2018
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər