1500 İŞİD-çini öldürən «şiə rembosu»: «Hücuma hazırıq» (FOTOLAR)

Kərkük sərhəddində qərarlaşan Həşdi Şabi qrupuna "şiə rembosu" və "Əbu Əzrail" kimi tanınan Falih Həsən rəhbərlik edir.

"Qaynarinfo" xarici mediaya istinadən xəbər verir ki, İranın dəstək verdiyi Həşdi Şabi qüvvələrinin komandiri Əbu Əzrail İraq prezidenti Heydər Əl İbadinin Qızıl Qüvvələr, Federal Polis, İraq ordusu birlikləri və Həşdi Şabi qüvvələrinə Kərkükə və digər mübahisəli ərazilərə hücum təlimatı verdiyini, növbəti günlərdə bölgədə böyük proseslərin yaşanacağını bildirib.

Bağdadda keçirilən və yüksək rütbəli komandirlərin iştirak etdiyi iclasda iştirak edən şiə komandir və İmam Əli Kətibələri komandiri Hacı Şıbil Zeydi əmr gəldiyi halda mübahisəli bölgələrə hücum edəcəklərini, lakin kürd qanı tökmək, Peşmərgə və kürdlərə qarşı müharibədə yer almaq istəmədiklərini deyiblər.

Qeyd edək ki, Həşdi Şabi İranın İraqdakı silahı hesab edilir. İraqda sayları 130 min nəfər olan Həşdi Şabi əsgərlərinə iranlı komandirlər tərəfindən təlim keçilir və qrupun silahları İrandan göndərilir.

Əbu Əzrailin 1500 İŞİD terrorçusunu təkbaşına öldürdüyü bildirilir.

Gülşən

Qaynarinfo.Az