2019-da valyutasını 3 milyard dollar artıran Türkiyə bu il 16,5 milyard itirdi

2019-da valyutasını 3 milyard dollar artıran Türkiyə bu il 16,5 milyard itirdi

"Türkiyə bu ilin eyni dövründə 16,5 milyard dollar itirməli olub”.

Qaynarinfo xəbər verir ki, bunu iqtisadçi ekspert Samir Əliyev deyib. Onun sözlərinə görə, 2020-ci ilin I rübü Türkiyənin maliyyə sistemi üçün ağır olub:
"Bunun kökü pandemiyadan qaynaqlanmasa da, pandemiyanın da "töhfəsi” az olmayıb. Lirə üzərindəki təzyiq mart ayında da davam edib. I rübdə lirənin dollar qarşısında rəsmi məzənnəsi 10,5% ucuzlaşıb. Bunun səbəbini tədiyyə balansının pisləşən məlumatlarında görmək olar. Mart ayında cari hesablar balansının kəsiri 4,9 milyard ABŞ dollarını ötüb. Halbuki ötən ilin martında kəsir cəmisi $120 milyon olub. Ümumiyyətlə, bu ilin I rübü üzrə kəsirin həcmi ötən ilin analoji dövrü ilə müqayisədə artaraq $416 milyondan $7,6 milyarda yüksəlib. Kəsirin artmasına əsas səbəbi ixracın azalması, idxalın isə artmasıdır. Ötən ilin yanvar-mart ayında əmtəə və xidmətlərin balansında mövcud olan $1,7 milyard profisit cari ildə $5,2 milyardlıq kəsirlə əvəz olunub”.

Samir Əliyev qeyd edib ki, maliyyə hesabında da vəziyyət ürəkaçan deyil: 

"Ölkədən kapital qaçışı artıb. Bu hesab üzrə 2019-cu ilin I rübündə yaranmış $4,7 milyardlıq profisit cari ilin analoji dövründə $6 milyardlıq kəsirlə müşahidə olunub. Birbaşa investisiyalarda $2 milyardlıq profisit qeydə alınıb. Ancaq portfel investisiyaları üzrə kapital qaçışı $6,3 milyardı ötüb. Müqayisə üçün qeyd edək ki, ötən ilin müvafiq dövründə bu mənbə üzrə $8,4 milyardlıq profisit yaranmışdı.

Bütün bunların nəticəsi olaraq 2019-cu ilin I rübündə valyuta ehtiyatlarını 3 milyard artırmağa nail olan Türkiyə bu ilin eyni dövründə $16,5 milyard itirməli olub”.

Bahar Rüstəmli
  • Tərəfdaşların xəbərləri
XƏBƏRLƏR
BLOGLAR