AZAL təyyarəsinin tualetindən 18 ədəd iPhone çıxdı (VİDEO)

AZAL təyyarəsinin tualetindən 18 ədəd iPhone çıxdı (VİDEO)

"Azərbaycan Hava Yolları" (AZAL) şirkətinə məxsus təyyarənin tualetindən 18 ədəd "iPhone" markalı mobil telefon tapılıb. 

Qaynarinfo xəbər verir ki, BAKU.WS-in əldə etdiyi məlumata görə, mobil telefonlar İstanbul-Bakı reysi ilə hərəkət edən sərnişin təyyarəsində aşkar olunub. 

Mobil telefonların tapılması tualetin xarab olması nəticəsində üzə çıxıb. Təmir zamanı "iPhone"ların ora yerləşdirilməsi məlum olub. Telefonları ekipaj təyyarəni reysdən əvvəl nəzarətdən keçirən zaman aşkarlayıblar. 

Qeyd edək ki, həmin reysdən öncə təyyarə BƏƏ-nin Dubay şəhərindən gəlirmiş.

Məsələyə aydınlıq gətirmək üçün "Azərbaycan Hava Yolları" QSC prezidentinin ictimaiyyətlə əlaqələr üzrə köməkçisi Paşa Kəsəmənski ilə əlaqə saxladıq.

O, BAKU.WS-ə bildirib ki, AZAL Dövlət Gömrük Komitəsinin əməkdaşları ilə birgə əməliyyat keçirərək məsələni araşdırır.

OXŞAR XƏBƏRLƏR

XƏBƏRLƏR
BLOGLAR