43 yaşlı milli üzvü rekordunu yenilədi

43 yaşlı milli üzvü rekordunu yenilədi

Braziliyanın qadınlardan ibarət yığmasının üzvü Formiqa öz rekordunu yeniləyib.

Qaynarinfo "NTVspor"a istinadən xəbər verir ki, 43 yaşlı futbolçu bunu Tokio-2020-nin futbol üzrə qadınlardan ibarət yığmalarının yarışları çərçivəsində qrupda Çini 5:0 hesabıyla məğlub etdikləri matçda reallaşdırıb. Futbolçu burada da meydana çıxmaqla 7-ci dəfə Olimpiadada iştirak etmiş olub. Bununla da o qadınlar arasında Olimpiadada ən çox oynamış futbolçu ünvanına sahib çıxıb. 

Formiqa Tokio-2020 ilə yanaşı 1996, 2000, 2004, 2008, 2012 və 2016-cı illərdə keçirilən Olimpiadalarda da iştirak edib. Hazırda PSJ-nin formasını geyinən futbolçu Tokio-2020-dən sonra millidəki karyerasını bitirəcəyini bildirib.
 
Səbuhi Həsənov
XƏBƏRLƏR
BLOGLAR
X