ABŞ-da hakimiyyət böhranı: Trampı vəzifəsindən necə qovmalı?..

Qaynarinfo xəbər verir ki, qətnamə Palatanın 223 üzvü tərəfindən dəstəklənib, 205 nəfər əleyhinə olub. Sənədə yalnız bir Respublikaçı səs verib, bütün Demokratlar qətnaməni dəstəkləyiblər.

Sənəd vitse-prezidentdən Konstitusiyanın dövlət başçısının vəzifələrini icra edə bilməməsi ilə bağlı 25-ci düzəlişindən istifadə etməyə çağırır. Beləliklə, Pens administrasiya üzvlərinin əksəriyyətinin dəstəyi ilə Trampı istefaya göndərə və Konqres bu qərarı təsdiqləyənə qədər prezidenti əvəz edə bilər.

Demokratlar Pens bu cür tədbirlər görməsə, qiyam qaldırmaq ittihamı ilə Nümayəndələr Palatasında prezidenti impiçment edəcəkləri ilə hədələyiblər. Eyni zamanda, dövlət başçısının vəzifəsindən kənarlaşdırılması üçün senatorların üçdə ikisinin səsinə ehtiyac var, lakin bu, hələ mövcud deyil. Üstəlik, yuxarı palata, Trampın 20 yanvarda vəzifəsindən getməzdən əvvəl ittihamları nəzərdən keçirməyə vaxtı olmayacaq.