Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
ATF yenə Ağdaşda tender qazandı - Bu dəfə 155 min manat...
"Tender kralı" kimi tanınan ATF MMC daha bir satınalma müsabiqəsinin qalibi seçilib.
Qaynarinfo-nun məlumatına görə, bu dəfəki müsabiqəni Ağdaş Rayon İcra Hakimiyyəti keçirib. Satınalma predmeti Ağdaş şəhərində küçələrin asfalt örtüyünün əsaslı təmiridır. Tərəflər arasında bağlanacaq satınalma müqaviləsinin maliyyə dəyəri 155 364,53 manatdır.
Azad, Təbriz və Fəxrəddin Muradov qardaşlarına məxsus ATF şirkəti 23 dekabr 2003-cü ildə qeydiyyata alınıb. Nizamnamə kapitalı 20 manatdır. Şirkətin hüquqi ünvanı Göyçay rayonunun Çayarxı kəndində yerləşir. MMC-nin qanuni təmsilçisi isə Muradov Təbriz Əzim oğludur. Şirkətin adı qardaşların adının baş hərflərindən götürülüb.
ATF MMC əsasən yol təmiri ilə bağlı iri məbləğli tenderlərin qalibi seçilir. Bir neçə gün öncə şirkət Qəbələ Rayon İcra Hakimiyyətinin 945 753,01 manatlıq tenderinin qalibi seçilib. Müsabiqə Qəbələ şəhər Heydər Əliyev prospektində yolun əsaslı təmir işlərinin satın alınması ilə bağlı keçirilib.
ATF MMC haqqında açıq mənbələrdə heç bir məlumat yoxdur. Bu baxımdan, demək olar ki, eyni vaxtda bir neçə rayonda yol təmiri ilə bağlı tenderin qalibi olan bu şirkətin maddi-texniki bazasının hansı səviyyədə olduğu bəlli deyil.
Yeri gəlmişkən, şirkət cari ildə ikinci dəfədir ki, Ağdaş Rayon İcra Hakimiyyətinin keçirdiyi tenderin qalibi olur. ATF MMC bundan əvvəl aprel ayında qurumun Ağdaş şəhər İqbal Rzayev, F.Səfərov, Ərəş, Mirzalı Əliyev, M.Ə.Rəsulzadə və Sönməz Məmmədov küçələrində aparılacaq əsaslı təmir işləri ilə bağlı keçirilən tenderin qalibi seçilib. Bu tender üzrə satınalma predmetinin qiyməti 397 547,43 manat olub.
Ağdaş Rayon İcra Hakimiyyətinin başçısı Orxan Hüseynzaədədir. O 2024-cü ildən rayona rəhbərlik edir. Bu gün ölkə başçısı İlham Əliyev Orxan Hüseynzadəyə işində yol verdiyi ciddi nöqsanlara görə şiddətli töhmət verilməsi ilə bağlı sərəncam imzalayıb.
Seyid
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər