Azərbaycan Kinematoqrafçılar İttifaqı "Mən qadınam” adlı ssenari müsabiqəsi keçirir.
Bu barədə Qaynarinfo-ya ittifaqın katibi Əli İsa Cabbarov məlumat verib.
Müsabiqəyə təqdim olunacaq ssenarilərin çap versiyasının qəbulu mayın 16-na kimi davam edəcək.
Əli İsa Cabbarovun sözlərinə görə, bu günə kimi Kinematoqrafçılar İttifaqına 50-dən yuxarı ssenari təqdim edilib:
"Qaliblərin adları iyul ayı ərzində açıqlanacaq. Qalib ssenarilər mükafatlandırılacaq. 1-ci yer 2000, 2-ci yer 1500, 3-cü 1000 manata sahib olacaq”.
Bahar Rüstəmli
