2021-ci il üzrə dövlət büdcəsinin və icmal büdcənin layihələri Nazirlər Kabinetinə təqdim olunub.
Bu barədə Modern.az-a Maliyyə Nazirliyinin mətbuat xidmtinin rəhbəri Mais Piriyev bildirib.
M.Piriyevin sözlərinə görə, "Büdcə sistemi haqqında” qanuna və "2021-ci il dövlət büdcəsi layihəsinin hazırlanması ilə bağlı” Azərbaycan Respublikası Nazirlər Kabinetinin 23s nömrəli 24 yanvar 2020 –ci il il tarixli sərəncamına uyğun olaraq 2021-ci il üzrə dövlət büdcəsinin və icmal büdcənin layihələri, habelə növbəti üç il üçün icmal büdcənin göstəriciləri Maliyyə Nazirliyi tərəfindən Azərbaycan Respublikasının Nazirlər Kabinetinə təqdim olunub.