Foto 16:10 24.01.2022

Hazal Kaya və komandası Park Cinema Flame Towers”də (FOTOLAR)

Türkiyənin məşhur "Benden Ne Olur?” filminin Bakıda premyerası olub.

"Aşkı-memnu” və "Adını Feriha koydum” seriallarından tanıdığımız Hazal Kaya paytaxt Bakıya gəlib.

"Park Cinema"da Türkiyənin  məşhur "Ay Yapım” film şirkəti tərəfindən çəkilmiş "Benden ne olur?” filminin premyerasının ssenari müəllifi Aslı Kızmaz, məşhur simalardan  Hazal Kaya, Selin Şekerci, Leyla Atay, Enis Arıkan  yerli media nümayəndələri ilə görüşərək, sualları cavablandırıblar.

Jurnalistlərə verilən müsahibələrdə aktyorlar Bakıya yalnız cümə günü səhər gəldiklərini və şəhərdə tam gəzintiyə vaxtlarının olmadıqlarını deyiblər.

Həmçinin Hazal Kaya və onun komandası  Bakını bəyəndiklərini də  bildirərərək, Azərbaycan mətbəxinin dadlı  təamlarından da danışıblar. Məşhurlardan Enis Arıkan ən çox milli mətbəximizdən xəngəli bəyəndiyini bildirib.

Enis Arıkan Bakıya ilk gəlişi olduğunu və filmə gələn tamaşaçıların onlara olan diqqətindən məmnun olduğunu söyləyib.

Hazal Kaya bildirib k, iki dəfə COVID-19 xəstəliyinə yoluxmağıma baxmayaraq, çəkilişlərimiz dayanmadı: "Biz  filmlə bağlı çox həyəcanlıyıq. İnanıram ki, tamaşaçılar filmimizi bəyənəcəklər”.

Filmin həm müəllifi həm də ssenarisini yazan Aslı Kızmaz  filmdə rol alan  bütün komanda heyəti ilə işləməkdən böyük zövq aldığını qeyd edib.

H.Kaya  və onun komandası ilə birgə filmi izləyənlər üçün biletin qiyməti 35 AZN təşkil edib.

"Benden Ne Olur?” filmində arzu və hədəflərinə çatmaq üçün öz yolunu  və sevgisini axtaran gənc qadının hekayəsindən bəhs olunur.

Filmin rejissoru Murat Şenoy,  baş rolu isə türkiyəli ulduz Hazal Kaya canlandırıb.

Həmçinin Onur Tuna, Nur Fettahoğlu və digər aktyorlar da filmdə çəkiliblər.

Qeyd edək ki, H.Kaya  və onun komandası ilə birgə filmi izləyənlər üçün biletin qiyməti  35 Azn təşkil edib.

Sorğu

Son dövrlərdə qeydiyyata alınmış partiyalardan hansının fəaliyyətini müsbət qiymətləndirirsiniz?