İqtidar-müxalifət görüşü olacaq? (AÇIQLAMA)

Uzun müddətdir ki, Azərbaycanda iqtidar-müxalifət dialoqu baş tutmur. Belə bir görüşün reallaşması üçün tərəflər hələ ki susqunluq nümayiş etdirirlər.

Maraqlıdır, yaxın vaxtlarda  iqtidar-müxalifət görüşü baş tuta bilərmi?

Məsələ ilə bağlı Milli Məclisin İctimai birliklər və dini qurumlar komitəsinin sədri, Yeni Azərbaycan Partiyası (YAP) icra katibinin müavini Siyavuş Novruzov modern.az-a açıqlama verib.

YAP rəsmisi bildirib ki, gündəlikdə iqtidar-müxalifət dialoqunun keçirilməsi ilə bağlı məsələ yoxdur: 

“Hələ ki görüşlərin təşkil edilməsi ilə bağlı  müzakirə getmir. Dialoq təkcə dəyirmi masa arxasında oturub fikir mübadiləsi etmək deyil. Dialoq mühitdir. Ölkəmizdə bu gün  tərəflər öz mövqeyini bildirə bilir, özünün düzgün saydığı fikri müdafiə edə bilər. Bu gün Azərbaycanda həmin mühit var”.

Komitə sədri qeyd edib ki, demokratik, azad, Konstitusiyanın vətəndaşlara verdiyi böyük hüquqlar çərçivəsində  hər bir şəxs qanuna zidd olmayan formada öz fikrini çatdıra bilir.

Qaynarinfo.Az