"LG"nin keçmiş rəhbəri 94 yaşında vəfat etdi

Cənubi Koreyanın LG korporasiyasının fəxri sədri Ku Ja Kyunq 94 yaşında vəfat edib.

Qaynarinfo xarici mətbuata istinadən xəbər verir ki, 25 il şirkətə rəhbərlik edən Kyunq 1995-ci ildə istefa verib. Onun rəhbərliyi altında şirkət xüsusən elektron məhsullar istehsalı sahəsində dünya şöhrəti qazanıb.

2015-ci ildə Kyunq LG Rifah Fondunun direktorlar heyətindəki mövqeyini qoruyub. Korporasiyanı 1995-ci ildən oğlu Ku Bon Mu idarə edib. O isə ötən il dünyasını dəyişib.

Qeyd edək ki, LG Cənubi Koreyanın 4-cü ən böyük maliyyə və sənaye qrupudur. Əsas fəaliyyət sahələri isə elektronika, kimya məhsulları və telekommunikasiya avadanlıqlarıdır.
 
Camal
Blogum-Qaynar
XƏBƏRLƏR
BLOGLAR