Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Qiraətçi futbolumuzun gününə şeirlə ağladı: "Gəl sənə təsəlli verim..."
Tanınmış qiraətçi Xəzər Süleymanlı Sport7.az saytına müsabihəsində futbola olan marağından, futbolla bağlı xatirələrindən bəhs edib.
- Xəzər bəy, idmana marağınız varmı?
- Digər idman növlərini təmsil edənlər inciməsin, mənim üçün idman futboldur. Digərləri idman növləri. (gülür)...
- Özünüz idmanla məşğul olmusunuzmu?
- Peşəkar səviyyədə xeyr, ancaq uşaqlıqdan futbol oynamağı çox sevmişəm.
- Futbol sizin üçün nə deməkdir?
- Mən futbolu Ronaldo Nazarioya görə sevmişdim. Hətta 1998-ci il Dünya Çempionatından sonra saçımı keçəl etmişdim. Yayın ən qızmar vaxtında günəşin altında futbol oynayırdıq. Bu zaman meydançaya kölgəm düşərdi. Elə bilərdim ki, Ronaldoyam. Mənim üçün futbol kölgəmdə gördüyüm Ronaldodur.
- Demək ki, futbolla bağlı uşaqlıq xatirələriniz çoxdur...
- Məktəb imtahanına getmədiyim üçün atam bərk əsəbləşmişdi. Məni döyəcəyindən qorxub evə girə bilmirdim. Hava qaralmışdı. Hələ də həyətdə gəzişirdim. Az sonra 2004-cü il Avropa Çempionatının seçmə qrup mərhələsində yığmamız İtaliyanın möhtəşəm millisi ilə qarşılaşacağdı. Mən həm də İtaliya millisinin azarkeşi idim deyə, o oyunu böyük həvəslə gözləyirdim. Evə girə bilmədiyim üçün həmin oyunu pəncərədən baxıb izləmişdim. Təəssüf ki, 0-2 məğlub olmuşduq.
- Milli olaraq İtaliya yığması, bəs klublar arasında azarkeşi olduğunuz komanda hansıdır?
- 18 ildir bir klubun aşiqiyəm: Milan.
- Bu sevginin tarixçəsindən bəhs edərsiniz?
- İtaliya A Seriasının 2001-2002 mövsümündə "Milan" - "Yuventus" matçında "Milan"ın 7 nömrəli oyunçusu Andrey Şevçenko möhtəşəm qol vurmuşdu. Mən isə 7 rəqəmini sevirdim. Elə həmin qoldan sonra həm Şevçenkoya, həm də "Milan"ın qırmızı-qara rənglərinə böyük rəğbətim yarandı.
- Sonuncu dəfə nə vaxt və hansı matçı seyr etmisiniz?
- Sonuncu dəfə "Fiorentina" - "Milan" oyununu izləmişəm. 1-1 hesabı ilə bitmişdi. Və təbii ki, bir "Milan" azarkeşi kimi yenə üzülmüşdüm. Artıq 9 ildir ki, bu nəticələrə öyrəncəliyik.
- Bəs ölkə futbolunu izləyirsiniz?
- Olmayan şeyi necə izləyim?
- Azərbaycan futbolunun əsas problemini nədə görürsünüz?
- Kimlərsə məqsədli şəkildə futbolun inkişafına mane olurlar. Həmçinin uşaq futboluna diqqətin olmaması. Əsas problem bunlardır.
- Futbolumuzun bu durumu sizə hansı şerin misralarını xatırladır?
- Nədənsə ağlıma Salam Sarvanın bu sətirləri gəldi:
Gəl, sənə təsəlli verim,
Darıxma, düzəlməyəcək...
Röya Kərimli
Oxşar xəbərlər
Sabah "Keşlə" və "Qarabağ" üz-üzə gələcək
İdman
17.07.2020
Avropa Liqasında mövsümün son püşkü atıldı
İdman
10.07.2020
Azad Rəhimov İƏT-in iclasında iştirak etdi
İdman
28.07.2020
"Sumqayıt" klubu Qəbələyə yollandı
İdman
17.07.2020
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər