Azərbaycan taekvondo milli komandası karantin qaydalarını pozub.
Qaynarinfo-nun Qafqazinfo-ya istinadən məlumatına görə, idmançılarımız komanda şəklində məşqlərə start veriblər.
Yığmamız qaydalara zidd olaraq, Abşeron rayonundakı idman zallarının birində çalışmalara başlayıb.
İdmançılarımızdan bəziləri məşqlərdən hətta video paylaşsalar da, sonradan onları siliblər. Ayxan Tağızadənin isə məşqdən çəkilən videosu hələ də qalır. O, videonu "training, 2020" (Məşq, 2020) başlığı ilə paylaşıb.
Qeyd edək ki, Nazirlər Kabineti Yanında Operativ Qərargah tərəfindən idman zallarının fəaliyyətinə hələ ki, icazə verilmir.
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər