Murad Arif işdən çıxdı

Murad Arif işdən çıxdı

Məşhur aparıcı Murad Arif "MTV” telekanalındakı işindən ayrılıb.

Qaynarinfo xəbər verir ki, bu barədə sənətçi sosial şəbəkə hesabında məlumat verib.

"İyunda bəzi jurnalist dostlar MTV kanalına təyinatımla bağlı xəbərlər paylaşdı. O vaxt da söylədim ki, bəli, dəvət var, müzakirə gedir, dəqiqləşən kimi, açıqlama edəcəm. Güman edirəm ki, bunu bu gün yazmalıyam. Sentyabrdan etibarən məni sevimli MTV ilə yalnız gözəl münasibətlər birləşdirir. Bundan başqa heç bir əməkdaşlığımız yoxdur. O vaxt da söyləmişdim ki, yaradıcılığım, öz verilişim və şəxsi biznesimlə yeni vəzifəyə zaman ayıra biləcəyimdən əmin deyiləm. Ona görə də, çox dəyərli MTV rəhbərliyindən, özüm üçün sınaq müddəti istədim və çox qısa müddətdə kanalla əməkdaşlıq etdim. Öz növbəmdə MTV rəhbərliyinə dəvət üçün minnətdarlığımı bildirir və bütün əməkdaşlarına sevgilərimi göndərirəm. Hər zaman dediyim kimi, yenə söyləyirəm, MTV bütün sənət dünyasına lazımdır. Uğurlar olsun doğma kanalımıza".

Qeyd edək ki, M.Arif bir neçə ay öncə "MTV Azərbaycan” kanalında musiqili depertamentin direktoru vəzifəsinə təyin edilmişdi.

X
XƏBƏRLƏR
BLOGLAR