Maqazin 14:46 23.10.2021

Nadir Qafarzadə Azərbaycanı birdəfəlik tərk edib? – Köməkçisindən açıqlama

"Nadir Qafarzadə Azərbaycandan birdəfəlik getməyib".
 
Bunu Qaynarinfo-ya açıqlamasında müğənninin köməkçisi Nadir Qafarzadənin sosial şəbəkə hesabında yazdığı "Əlvida, uçub getdim mən çox uzaqlara" yazısıyla bağlı danışarkən deyib. Köməkçisi sənətçinin hazırda Bakıda olmadığını təsdiqləyib:
 
"Nadir Qafarzadə ölkədə yoxdur, Moskvaya oğlunun yanına gedib. Bir müddətdən sonra qayıdacaq".
 
Qeyd edək ki, Nadir Qafarzadə sosial şəbəkədə "Hər kəsin yolu açıq olsun, görüşənədək. Hava limanında sonuncu əlvida, uçub getdim mən çox uzaqlara" deyə paylaşım edib. Şərh bölümündə müğənninin fəxri ad almamasına görə Azərbaycandan birdəfəlik küsüb getdiyi bildirilir.

Bahar Rüstəmli