O məşhur saray kimindir? - Putin danışdı

O məşhur saray kimindir? - Putin danışdı

Rusiya Prezidenti Vladimir Putin müxalif bloger Aleksay Navalnının onun haqqında araşdırması olan "Putinin sarayı” ("Dvorets Putina”) filminə münasibət bildirib.

Vladimir Putin "Tatyanin den” münasibəti ilə ali məktəb tələbələri ilə videokonfrans formatında görüşündə məlum videonun montaj olduğunu söyləyib: "Orada hansısa hovuzu göstərirlər. Göstərirlər ki, mən həmin hovuzda üzürəm. Amma mən heç vaxt o hovuzda olmamışam. "Butterflay” formasında isə 2016-cı ildə Yenisey çayında üzmüşəm. Oradan götürüb montaj ediblər”.

Rusiya Prezidenti həmin filmdə adı çəkilən şəxslərdən kimlərisə tanıdığını, kimlərisə qətiyyən tanımadığını söyləyib: "Orada adı çəkilənlərdən dostum, tanışım var. Lakin elələri də var ki, ümumiyyətlə, tanımıram. Mən heç vaxt biznesdən məşğul olmamışam. Mənim həmkarlarım arasında isə bizneslə məşğul olanlar var, misal üçün Donald Tramp biznesmendir”.

Putin filmdə əksini tapmış sarayın ona məxsus olmadığını da bildirib: ""Araşdırmalar”dan birində mənim olduğu iddia edilən saray nə mənim, nə də mənim hansısa yaxın qohumumundur. Mənim Gələncikdə "saray”ımın olduğu barədə şayiələrlə rusiyalıların "beyinlərini yumağa” cəhd edirlər”. 
 
APA.az
  • Tərəfdaşların xəbərləri
XƏBƏRLƏR
BLOGLAR