Orduya cağrılmış hərbçilər nə vaxt tərxis olunacaqlar? - Hərbi ekspert

Orduya cağrılmış hərbçilər nə vaxt tərxis olunacaqlar? - Hərbi ekspert

"Hərbçilərin xidmətdən tərxis olunması ilə bağlı növbəti sərəncamlar yeni ildən tez olmayacaq. Mərhələlərlə orduya cağrılmış hərbçilər tərxis olunacaqlar”. 

Bu sözləri Qaynarinfo-ya hərbçi ekspert Ədalət Verdiyev bildirib. Onun sözlərinə görə, yanvar ayında tərxis olunma ilə bağlı sərəncamlar daha kütləvi olacaq:



"Hərbi əməliyyatlarla bağlı oktyabr ayında tərxis olunmalı əsgərlər buraxılmadı və orduya cağırılmış əsgərlər isə hələ də karantindədir. Yanvar ayında olacaq növbəti səfərbərlikdə əvvəllər tərxis olunmayan əsgərlər də ehtiyata buraxılacaqlar. Eləcə də əməliyyatlar zamanı orduya cağrılan hərbçilər və könüllülər də təxris olunacaqlar”. 

Qeyd edək ki, bu gün Prezident İlham Əliyev bir qrup hərbi qulluqçunun səfərbərlik üzrə hərbi xidmətdən tərxis edilməsi haqqında sərəncam imzalayıb.
Sərəncama əsasən, hərbi xidmətə çağırılmış aşağıdakı kateqoriyadan olan hərbi qulluqçular 2020-ci il dekabrın 2-dən səfərbərlik üzrə hərbi xidmətdən tərxis edilirlər:

1.1. üç və ya daha çox uşağı olan;

1.2. himayəsində I dərəcə əlilliyi müəyyən edilmiş şəxs olan;

1.3. himayəsində yetkinlik yaşına çatmayan bacısı və ya qardaşı olan;

1.4. ailənin tək övladı olan;

1.5. ataları və ya qardaşları döyüş əməliyyatları, habelə hərbi xidmət üzrə vəzifələrin icrası zamanı həlak olmuş və ya vəfat etmiş;

1.6. döyüş əməliyyatları zamanı yaralanmış, habelə hərbi-həkim komissiyaları tərəfindən dinc dövrdə hərbi xidmətə yararsız, müharibə dövründə məhdud yararlı sayılan;

1.7. yaxın qohumları Ermənistan Respublikasının hərbi təxribatları və Azərbaycan Respublikasının ərazilərini atəşə tutması nəticəsində həlak olmuş;

1.8. mülkiyyət və təşkilati-hüquqi formasından asılı olmayaraq dövlət qeydiyyatına alınmış, fəaliyyətinə xüsusi razılıq (lisenziya) verilmiş və akkreditasiya olunmuş təhsil müəssisələrində, eləcə də onların filiallarında, Azərbaycan Milli Elmlər Akademiyasında və Azərbaycan Respublikası Nazirlər Kabinetinin 2010-cu il 14 dekabr tarixli 235 nömrəli Qərarı ilə təsdiq edilmiş "Doktoranturalar yaradılan Azərbaycan Respublikasının ali təhsil müəssisələrinin və elmi təşkilatların Siyahısı”nda nəzərdə tutulmuş digər elmi təşkilatlarda əyani təhsilalma formasında bakalavriatda, magistraturada, doktoranturada (adyunkturada), əsas (baza ali) tibb təhsili və rezidenturada təhsil alan.

2. Azərbaycan Respublikasının Nazirlər Kabineti bu sərəncamdan irəli gələn məsələləri həll etsin.

3. Bu sərəncam imzalandığı gündən qüvvəyə minir.

Orxan Əhmədli
  • Tərəfdaşların xəbərləri
XƏBƏRLƏR
BLOGLAR