3 komandanın çempionluq uğrunda mübarizə apardığı yarışının son turundan öncə rəqiblərini 3 xal qabaqlayan "Qalatasaray" sürprizə imkan verməyib. İstanbul klubu səfərdə "Göztəpə"yə 1:0 hesabı ilə qalib gələrək çempion olub.

Bu "Qalatasaray"ın 21-ci çempionluğu olub. "Cim-Bom" tarixində ilk dəfə çempionluq sayında 19 dəfə qızıl medalla sahib çıxmış "Fənərbaxça" ilə fərqi ikiyə çatdırıb. "Beşiktaş"ın aktində 15, "Trabzonspor"un aktində 6, "Buraspor"un aktində 1 dəfə çempionluq var.

Çempionluq uğrunda mübarizə aparan "Fənərbaxça" evdə "Konyaspor"a qalib gələrək medallarla kifayətlənib. "Başakşəhər" isə "Kasımpaşa" ilə ev oyununda 0:2 hesabı ilə geri düşsə də, meydandan qələbə ilə ayrılaraq üçüncü olub - 3:2. Çempionlar Liqasına vəsiqə uğrunda mübarizə aparan "Beşiktaş"d doğma meydanda "Sivasspor"a 5:1 hesabı ilə qalib gəlib.

Bu nəticələrdən sonra "Qalatasaray" və "Fənərbaxça" Çempionlar Liqasına, "Başakşəhər"lə "Beşiktaş" Avropa Liqasına vəsiqə qazanıb. Avroliqaya üçüncü vəsiqənin sahibi kubokun qalibi "Akhisar Bələdiyyəspor" olub.

Qeyd edək ki, son 3 pilləni tutan "Osmanlıspor", "Gənclərbirliyi" və "Karabükspor" aşağı liqaya düşüb. PTT 1-ci liqada ilk iki pilləni tutan "Çaykur Rizəspor" və "Ankaragücü" Super Liqaya vəsiqə qazanıb. Son vəsiqənin sahibi "Qazişəhər" və "Ərzrum BB" arasındakı pley-off mərhələsinin finalında müəyyənləşəcək.

Onu da qeyd edək ki, turun 5 oyunu dünən keçirilib. "Trabzonspor" "Karabükspor"u 3:0, "Akhisar Bələdiyyəspor" "Osmanlıspor"u 2:1, "Gənclərbirliyi" "Bursaspor"u 1:0, "Alanyaspor" "Antalyaspor"u, "Yeni Malatyaspor"u "Kayserispor"u 3:2 hesabı ilə yenib.

Super Liqa

2017/18 mövsümü

XXXIV tur

19 may

Göztəpə - Qalatasaray 0:1

Qol: Bafetimbi Qomis, 66-pen.

Fənərbaxça - Konyaspor 3:2

Qollar: Fernandao, 28. Selim Ay, 34 (avtoqol). Roberto Soldado, 65 - Moryke Fofana, 70. Adis Yahoviç, 73.

Başakşəhər - Kasımpaşa 3:2

Qollar: Edin Viska, 30. Emmanuel Adebayor, 36; 61 - Ahmed İldiz, 6. Mbaye Diagne, 27-pen.

Beşiktaş - Sivasspor 5:1

Qollar: Anderson Talişka, 30; 76. Kile Larin, 50; 74. Rayan Babel, 86 - Hakan Arslan, 54.

Qırmızı vərəqə: Delvin Ndinqa, 66 (Sivasspor).

1.	Qalatasaray	34	24	3	7	75:33	75
2.	Fənərbaxça	34	21	9	4	78:36	72
3.	Başakşəhər	34	22	6	6	62:34	72
4.	Beşiktaş	34	21	8	5	69:30	71
5.	Trabzonspor	34	15	10	9	63:51	55
6.	Göztəpə	34	13	10	11	49:50	49
7.	Sivasspor	34	14	7	13	45:53	49
8.	Kasımpaşa	34	13	7	14	57:58	46
9.	Kayserispor	34	12	8	14	44:55	44
10.	Yeni Malatyaspor	34	11	10	13	38:45	43
11.	Akhisar Bələdiyyəspor	34	11	9	14	44:53	42
12.	Alanyaspor	34	11	7	16	55:59	40
13.	Bursaspor	34	11	6	17	43:48	39
14.	Antalyaspor	34	10	8	16	40:59	38
15.	Konyaspor	34	9	9	16	38:42	36
16.	Osmanlıspor	34	8	9	17	49:60	33
17.	Gənclərbirliyi	34	8	9	17	37:54	33
18.	Karabükspor	34	3	3	28	20:86	12