"TAP-ın seçilməsi Türkiyəyə təsir göstərməyəcək"

"Şahdəniz 2" konsorsiumunun qazın nəqlində TAP layihəsini seçməsi ilə bağlı açıqlama verən Türkiyənin enerji naziri Taner Yıldız, "TANAP boru kəməri ilə Türkiyədəki xəttlərin yaradılmasına qərar verilmişdi. NABUCCO əvəzinə TAP-ın seçilməsi Türkiyəyə təsir göstərməyəcək" deyib. 

Qaynar.info-nun məlumatına görə, Yıldız bildirib ki, hələ də onların NABUCCO ilə əməkdaşlığı davam edir: "NABUCCO ilə əməkdaşlığımız davam edir. TAP-la da əməkdaşlıq məsələsini ayrıca müzakirə edəcəyik". 

Türkiyəli nazir NABUCCO layihəsinin gələcəyinin də əməkdaş ölkələrlə müzakirə olunacağını söyləyib. 

Qaynar.info