Rusiya Azərbaycana ayı dərisi ixracına başladı

Rusiya Azərbaycana ayı dərisi ixracına başlayıb. Virtualaz.org xəbər verir ki, bu barədə Rusiya mətbuatı məlumat yayıb.

Məlumatda bildirilir ki, Rusiya Veterinar və Fitosanitar Nəzarəti üzrə Federal Xidmətinin (“Rosselxodnadzor”) baytarlıq bölməsinin inspektorları avqustun 21-də Azərbaycana göndərilən məhsula baxış keçiriblər.

Yüklənən məhsulun ölkənin baytarlıq qanunvericiliyi tələblərinə uyğun olduğu yoxlanıb və baytarlıq sertifikatı rəsmiləşdirilib.

Azərbaycana təyyarə vasitəsilə gətirilən ayı dəriləri “Krasava” Xəz Fabriki tərəfindən istehsal edilir. Dəriləri Azərbaycanda hansı şirkətin sifariş etdiyi məlum deyil.

Qaynarinfo.Az