Saakaşvili

Saakaşvili "Keçikçidağ"a görə dindirilə bilər - Prokuror

Hazırda həbsdə olan Gürcüstanın sabiq prezident Mixeil Saakaşvili "Keşikçidağ" (David-Qareci) məbədi işi üzrə dindirilə bilər.

Azvision.az ”Sputnik Gürcüstan”a istinadən xəbər verir ki, bunu prokuror Mixail Sadradze deyib.

Qeyd olunub ki, Gürcüstanın Azərbaycanla 440 kilometr uzunluğunda ümumi dövlət sərhədi var və bunun üçdə biri hələ delimitasiya olunmayıb. İki ölkənin sərhədinin delimitasiyası və demarkasiyası üzrə komissiyanın fəaliyyəti ilə bağlı araşdırma 2020-ci ilin payızından davam edir. Gürcüstan tərəfi iddia edir ki, bu prroses düzgün aparılmayıb. İş üzrə təqsirləndirilən şəxslər ölkənin Xarici İşlər Nazirliyinin keçmiş əməkdaşı İveri Melaşvili və Daxili İşlər Nazirliyinin sabiq əməkdaşı Natalya İliçevadır.

İddia olunur ki, onlar Gürcüstan-Azərbaycan sərhədinin demarkasiyası və delimitasiyası komissiyasında işləyərkən 1937-1938-ci illər xəritəsinin mövcudluğunu gizlədiblər. Buna görə də Gürcüstan "Keşikçidağ" məbədinin bir hissəsi də daxil olmaqla 3,5 min hektar ərazisini "itirə" bilər. Hazırda onlar zaminə buraxılıb və ölkəni tərk etməmək barədə yazılı öhdəlik götürüblər.

"Bu prosesdə iştirak edən bütün şəxslər dindiriləcək, bu, Mixeil Saakaşvili də ola bilər", - Sadradze söyləyib.

XƏBƏRLƏR
BLOGLAR
X