Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Telman İsmayılovun hoteli TBMM-də müzakirə edildi: Satışa çıxarılır
Azərbaycanlı biznesmen Telman İsmayılovun Antalyadakı "Mardan Palace" hoteli satışa çıxarılacaq.
Qaynarinfo Türkiyə mediasına istinadən xəbər verir ki, sözügedən məsələ Türkiyə Böyük Millət Məclisində (TBMM) müzakirəyə çıxarılıb.
CHP millət vəkili Elif Doğan Türkmənin 8 suallıq təklifini cavablandıran baş nazirin köməkçisi Mehmet Şimşək "Halkbank"ın "Mardan Palace"ı işlətməyəcəyini və hotelin yaxın zamanlarda satışa çıxarılacağını bildirib. Şimşək hotelin zərərdə olduğunu, yaxşı işlədilmədiyini və dövlət bankının əli ilə idarə edilməsinin doğru olmadığını, bu səbəbdən satışa çıxarılacağını söyləyib.
Qeyd edək ki, "Mardan Palace" ötən ilin noyabrında 719 milyon lirəyə hərraca çıxarılmış və "Halkbank" tərəfindən 360 milyon 50 min lirəyə alınmışdı. "AST İnşaat" isə tenderin ləğvi üçün iddia qaldırmışdı.
"Halkbank"ın "Mardan Palace"ı danışıqlı şəkildə aldığı və obyektin öncədən razılaşdırılmış bir şəxsə veriləcəyi iddia edilir. Onu da qeyd edək ki, "Mardan Palace" icra yolu ilə satışa çıxarıldığı zaman onu almaq istəyən şirkətlərə dolayı yolla hərraca qatılmamaları bildirilmişdi.
Xatırladaq ki, ötən həftə "Titanic Hotels" idarə heyətinin rəhbəri Mehmet Aygünün "Mardan Palace"ın borc vəziyyəti və ödəmə planı ilə bağlı Halkbank rəsmiləri və iş adamı Telman İsmayılovla xüsusi görüş keçirdiyi üzə çıxıb.
M.Aygün mətbuata açıqlamasında belə bir hotelin bağlı qalmasından narahat olduğunu və onu almaq istədiyi ilə bağlı görüşlər keçirdiyini bildirib. O, danışıqların müsbət nəticə verəcəyi təqdirdə işlərə başlayacaqlarını və oteli yenidən əvvəlki vəziyyətinə qaytaracaqlarını söyləyib.
Rebrendinq edilib-edilməyəcəyi ilə bağlı suala isə M.Aygün belə cavab verib:
"Bugünə qədər reklamı aparılmış olan "Mardan Palace"ın adını dəyişdirmək olmaz. Lakin adı "Mardan Palace Titanic Group" şəklində ola bilər. Bu işin təşkilini yüksək səviyyədə aparacağıq və zərər edən hoteli gəlir gətirəcək səviyyəyə yüksəldəcəyik. Xəyal dünyasında gəzməyəcəuik, ayaqlarımızı yerə basacağıq. Hamımıza xeyirli olsun"
Çingiz Səfərli
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər