UEFA Çempionlar Liqası və Avropa Liqasından sonra üçüncü klub turnirinin təşkilinə hazırlaşır.
Qaynarinfo xəbər verir ki, bu barədə Avropa Klublar Assosiasiyasının (ECA) prezidenti Andrea Anyelli "Football Italia"ya açıqlamasında bildirib.
"UEFA-dan razılıq gözləyirdik. Artıq "yaşıl işıq" yandırılıb. Yeni turnirdə 96 klub mübarizə aparacaq və 2021/2022 mövsümündən başlanacağı gözlənilir" deyə Andrea Anyelli qeyd edib.
Yeni turnirin formatı barədə məlumat verilmir. Lakin onun əvvəllər keçirilmiş Kuboklar Kubokuna bənzəyəcəyi gözlənilir. Həmin turnir 1960-1961 mövsümündən 1998-1999 mövsümünədək UEFA-ya üzv olan ölkələrin kubokunu qazanmış komandaların iştirakı ilə təşkil olunub.
Avropa mətbuatının məlumatına görə, üçüncü turnir yaradılandan sonra Çempionlar Liqasında komanda sayı eyni qalacaq, Avropa Liqasındakı komandaların sayı isə 48-dən 32-yə endiriləcək.
Şərhlər