Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
17:17
Üstü mayonezli Nobel
100 ildir nəsli kəsilmiş güman edilən ilbizlər tapıldı
Portuqaliyanın Maderiya arxipelaqında yerləşən Dezertaş adasında nəsli kəsilmiş hesab edilən kiçik torpaq ilbizlərinin növü yenidən kəşf edilib və onların məhv olmaq təhlükəsindən xilas edilməsi mümkün olub.
Qaynarinfo "Sky News"a istinadən xəbər verir ki, bu ilbizlər Dezertaş Qrande adasında kiçik populyasiyalar şəklində tapılıb və sonradan nəzarət altında çoxaldılıb. Hazırda nəsli kəsilməkdə olan 1300-dən çox ilbiz qonşu Bujiu adasında təbiətə buraxılır.
Tarixi kəşf və bərpa çalışmaları
Xilasetmə əməliyyatları Dezertaş Qrande adasının qayalıq ərazilərində iki ilbiz növünün tapılması ilə başlayıb. Hər populyasiyada 200-dən az fərd qeydə alınıb.
"Bu ilbizlərin növünün artıq yoxa çıxdığı düşünülürdü. Ona görə də təbiət mühafizəçiləri onları Böyük Britaniya və Fransadakı zooparklara gətirdilər. Çester Zooparkına noxud böyüklüyündə 60 ilbiz göndərildi. Orada mütəxəssislər onların sayını artırmaq üçün unikal bir çoxaltma proqramına başladılar. İlk dəfə olaraq bu iki növ nəzarət altında çoxaldıldı", deyə məlumatda bildirilir.
Çester Zooparkının rolu
Çester Zooparkının ektotermiya bölməsinin rəhbəri Xerardo Qarsiya bu proses haqqında belə deyib:
"İlbizlər Çesterə gətiriləndə onların gələcəyi bizim əlimizdə idi. Onlar heç vaxt insan nəzarəti altında olmamışdı və biz sıfırdan başlayaraq onların ehtiyaclarını öyrənməli olduq. Onlara necə qulluq etmək, uyğun mühit yaratmaq və çoxalmalarını təşviq etmək üçün çalışdıq".
O əlavə edib ki, ilbizlər "yox olmaq astanasında idi", amma indi onların təbiətə qayıtmaq üçün bir şansı var.
Təhlükəsiz sığınacaq Bujiu adası
İlbizlərin populyasiyasını təhlükə altına alan əsas amillər invaziv keçilər, siçovullar və siçanlar olub. Buna görə də mütəxəssislər onların Bujiu adasına köçürülməsinə qərar veriblər. Bu ada daha təhlükəsiz mühit təklif edir və ilbizlərin yaşaması üçün əlverişli şərait təmin edir.
Bu uğurlu xilasetmə əməliyyatı, nadir növlərin qorunması sahəsində mühüm nailiyyət kimi qəbul edilir.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər