Azərbaycan belə hazırlaşır - VİDEO

ANS TV-nin məlumatına görə, düz 200 gündən sonra paytaxt Bakı mötəbər bir idman yarışına ev sahibliyi edəcək. Yarışın açılış və bağlanış mərasimi məhz Avropa Oyunlarının keçirilməsi üçün tikilən stadionda baş tutacaq. Son tamamlanma işlərinin getdiyi stadion 90 gündən sonra istifadə veriləcək.

Tarixdə ilk dəfə keçiriləcək Avropa Oyunlarına Azərbaycanın ev sahibliyi etməsi ölkəmizin bu yarışa ciddi-cəhdlə hazırlaşmasına zərurət yaratdı. Hələ iki il əvvəl Romada bu mötəbər yarışın Azərbaycan keçirilməsinə qərar veriləndən, hazırlıq işlərinə başlayan paytaxt Bakıda bu zamana qədər oyunların yüksək səviyyədə keçirilməsi üçün xeyli iş görülüb. Yeni stadionlar tikildi, köhnə idman sarayları təmirə bağlandı. Çünki, Avropa oyunlarında 20 idman növünün keçirilməsi planlaşdırılır ki, bunun üçün də 20 müxtəlif məkan lazım idi. Bu məkanlardan bəziləri Gimnastika Stadionu, Voleybol yarışınını keçiriləcəyi “Kristal Holl”, Tofiq Bəhramov stadionu artıq yarışa tam hazır olsa da, Avropa Oyunlarının keçirilməsi məqsədi ilə tikilən Su İdman Növləri, Atıcılıq Mərkəzi, Hovuz Kompleksində isə işlərin 80 faizi görülüb.

Avropa Oyunlarına daxil edilən bəzi idman növləri var ki, onların keçirilməsi üçün 6 müvəqqəti arenalar hazırlanacaq. Yarışda 49 ölkə iştirak edəcək.

Avropa Oyunlarıda iştirak etmək üçün Bakıya gələcək 6 mindən çox idmançı Atlet kəndi adlanan yaşayış massivində qalacaqlar. Həmçinin yarışı işıqlandırmağa gələn əcnəbi jurnalistlər də burada yerləşdiriləcək. 

49 ölkədə yayımlanması nəzərdə tutulan yarışı işıqlandırmağa iki mindən çox əcnəbi jurnalist gələcək. Oyunlar iyunun 12-dən 28-dək keçiriləcək.