Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
"Azərbaycan Dəmir Yolları"nın rəsmiləri Avropada görüşlər keçirdi
"Azərbaycan Dəmir Yolları” QSC-nin nümayəndə heyəti Slovakiyada səfərdədir.
Qaynarinfo səhmdar cəmiyyətinin törəmə müəssisəsi - "ADY Konteyner" MMC-yə istinadən xəbər verir ki, "Azərbaycan Dəmir Yolları"nın sədr müavini İqbal Hüseynov, Avropadakı nümayəndəsi Fərəc Haqverdiyev və "ADY Konteyner”in direktoru Natiq Cəfərovdan ibarət nümayəndə heyəti Mərkəzi Avropanın aparıcı dəmir yolu və logistika şirkəti olan "Metrans”ın rəhbərliyi ilə görüş keçirərək bir sıra məsələlər ətrafında fikir mübadiləsi aparıblar.
"Metrans” Hamburq limanını idarə edən Almaniyanın HHLA nəqliyyat və logistika şirkətinə məxsusdur. Görüşdə Metransı icraçı direktor Peter Kiss, şirkətin biznesin inkişafı üzrə səlahiyyətli nümayəndələri Martin Koubek və Stefan Esztergalyos təmsil ediblər.
"Metrans” konteynerlə yükdaşımalar və logistika xidməti göstərən beynəlxalq intermodal dəmir yolu şirkətidir. 25 ildən çox tarixə malik olan bu şirkət Avropanın ən böyük dəmir yolu və terminal şəbəkəsinə malikdir.
Şirkət Avropa qitəsində əsasən Çexiya, Slovakiya, Macarıstan, Almaniya, Niderland, Avstriya, Belçika, Sloveniya, Polşa və İtaliya ərazisində dəmir yolu ilə yükdaşıma, həmçinin Almaniya, Niderland, İtaliya və Xorvatiya limanlarından konteyner yüklərinin Avropa qitəsinin daxilində nəql olunması xidmətləri göstərir.
Görüşdə "Metrans" və "Azərbaycan Dəmir Yolları" arasında əməkdaşlıq məsələləri müzakirə edilib. İ.Hüseynov ölkəmizdə dəmir yolu ilə yükdaşımaların həcminin artırılması istiqamətində aparılan islahatlar, N.Cəfərov isə ölkəmizin ərazisindən keçən Beynəlxalq Nəqliyyat Dəhlizləri, Bakı-Tbilisi-Qars dəmir yolu xətti barədə ətraflı məlumat verib.
Qeyd edək ki, Avropanın aparıcı dəmir yolu və logistika şirkətləri ilə əməkdaşlıq Azərbaycandan tranzitlə keçməklə Avropadan Orta Asiya və Çinə, həmçinin əks istiqamətdə konteyner daşımalarının həcminin artırılmasına təkan verəcək.
Oxşar xəbərlər
Əbülfəz Elçibəyin doğum günüdür
Ölkə
24.06.2021
Nura Suri daha iki nəfəri polisə verdi
Maqazin
16.03.2022
"Bavariya" yeni transferə hazırlaşır
İdman
24.04.2022
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər