Video 22:13 19.09.2020

Azərbaycan Premyer Liqası: Qəbələdə "sülh", Sumqayıtda 3 qol (VİDEO)

Bu gün Azərbaycan Premyer Liqasında III tura start verilib.

Qaynarinfo xəbər verir ki, ilk oyun günündə 2 görüş keçirilib.

İlk matçı Qəbələdə baş tutub. "Qəbələ" doğma meydanda "Keşlə"ni sınağa edib. Meydan sahiblərinin 67-ci dəqiqədən azlıqda qaldığı oyunda hesab açılmayıb və komandalar hərəyə bir xal qazanıb.

Bu komandalar arasında çempionatdakı 48-ci qarşılama olub. Bunlardan 17-də "Keşlə", 13-də "Qəbələ" qələbə qazanıb. 18 oyunda isə heç-heçə qeydə alınıb. Topların nisbətində də "Keşlə" daha yaxşı göstəriciyə malikdi - 62:47.

Günün son qarşılaşmasında isə "Sumqayıt" və "Səbail" komandaları "Kapital Bank Arena"da üz-üzə gəlib. Görüşdə meydan sahibləri 2:1 hesabı ilə qələbə qazanıb.

Komanda çempionatda 11-ci dəfə üz-üzə gəlib. "Sumqayıt" 5, "Səbail" 4 qələbə qazanıb, 2 oyunda isə tərəflərdən heç biri üstünlük qazana bilməyib. Bu görüşlərdə hər iki komanda 10 qol vurub.

Qeyd edək ki, tura sentyabrın 20-də keçiriləcək "Zirə" - "Sabah" və "Qarabağ" - "Neftçi" matçları ilə yekun vurulacaq.

Premyer Liqa

2020/21 mövsümü

I dövrə, III tur

19 sentyabr

Qəbələ - Keşlə 0:0

Qırmızı vərəqə: Nikolas Raysel, 67.

Qəbələ şəhər stadionu.

Sumqayıt - Səbail 2:1

Qollar: Süleyman Əhmədov, 9, Əli Qurbani, 32 - Rauf Əliyev, 21.

"Kapital Bank Arena".

№	Klub		O	Q	H/H	M	T/F	X
1	Sumqayıt		3	2	0	1	4:2	6
2	Keşlə		3	1	2	0	1:0	5
3	Qarabağ		2	1	1	0	2:0	4
4	Zirə		2	1	1	0	3:2	4
5	Sabah		2	1	0	1	3:2	3
6	Neftçi		2	1	0	1	2:3	3
7	Qəbələ		3	0	2	1	1:4	2
8	Səbail		3	0	0	3	3:6	0
*Bombardirlər*		Əli Qurbani (Sumqayıt) - 3. Namiq Ələsgərov (Neftçi), Mahir Emreli (Qarabağ) - 2.