Foto 19.01.2022

Azərbaycan Texniki Universitetində dekan seçkisi keçirildi (FOTO)

Azərbaycan Texniki Universitetinin (AzTU) Maşınqayırma və robototexnika fakültəsinə dekan seçkisi keçirilib.

Universitetdən APA-ya verilən məlumata görə, seçki "Ali təhsil müəssisələrində kafedra müdiri, dekan və dekan müavini vəzifələrinin tutulması Qaydaları"na uyğun təşkil olunub.

Əvvəlcə seçkidə iştirak etmək üçün namizədliyini irəli sürmüş AzTU-nun Magistratura şöbəsinin müdiri Malik Qarayevin platforması dinlənilib.

Daha sonra fakültənin professor-müəllim heyətinin iştirakı ilə gizli səsvermə keçirilib.

Seçkinin nəticəsinə görə səsvermədə iştirak edən hər kəs namizədin lehinə səs verib və Malik Qarayev AzTU-nun Maşınqayırma və robototexnika fakültəsinin yeni dekanı seçilib.

Sorğu

Son dövrlərdə qeydiyyata alınmış partiyalardan hansının fəaliyyətini müsbət qiymətləndirirsiniz?