Azərbaycanda serial çəkilişi zamanı Əməkdar artistin ürəyi dayandı

"Qaynarinfo" yenicag.az-a istinadənn xəbər verir ki, aktrisa serialın son çəkilişləri zamanı başına gələn hadisəni danışıb.

"Mən lap gənclik illərimdən bəri təbii oynamağa üstünlük vermişəm. Bu, mənim özümdən asılı deyil, serialı da real həyat hesab edirəm və olduğum kimi davranıram. Buna görə də uzun müddət hadisələrin təsirindən çıxa bilmirəm. Fikirləşirəm ki, Nərgizlə Fariz, doğrudan da, mənim nəvələrimdir. Hər səhnənin çəkilişindən sonra sarsıntı keçirirəm. Farizin özünü asdığı səhnə isə mənim ölümümlə nəticələnəcəkdi. Çünki rejissor "stop” deyən kimi halım pisləşdi, nəfəs ala bilmədim. Şok keçirdim və ürəyim dayandı. Sonradan bildim ki, ətrafımdakılar həyəcandan nə edəcəklərini bilməyiblər. Məni özümə gətirmək üçün üzümü çillələyib, ürəyimi masaj edib, süni nəfəs veriblər. Təsəvvür edin, sanki kənardan durub baş verənləri izləyirdim. Məni Allah saxladı, bəlkə də, həmin vaxt tibbi yardım göstərilməsəydi, öləcəkdim.

Hələ başqa bir səhnəni də deyim. Ssenariyə görə, Nərgiz mənə əsəbi şəkildə çay gətirməli idi. Həmin səhnə çəkiləndə gərginlik yaşadım. Bir anlıq fikirləşdim ki, bu qız, doğrudan da, nəvəmdir və onun mənə qarşı olan münasibətinə bax. Birdən məni necə hönkürmək tutdusa… O qədər ağladım ki, çəkilişi yarımçıq saxlayıb, məni güclə özümə gətirdilər”, - deyə aktrisa bildirib.