Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Enerji qəzasını araşdıran Dövlət Komissiyasının üzvü: “Orada o qədər faktlar var ki…”
İyulun 3-də Mingəçevirdəki İstilik Elektrik Stansiyasında (İES) baş verən qəza bütün Azərbaycanı zülmətə qərq elədi, dövlətə və əhaliyə böyük ziyan vurdu.
Baş verən hadisə ilə bağlı Energetika Nazirliyi və "Azərenerji” ASC-nin birgə rəsmi məlumatında bəyan bildirilib ki, qəza havaların kəskin isti keçməsi ilə əlaqədar olaraq elektrik enerjisinə tələbatın ciddi şəkildə artması (təqribən 40 faiz) və elektrik avadanlıqlarının istismarında açılmalar nəticəsində baş verib.
Hadisədən sinra Prezident İlham Əliyevin sərəncamı ilə qəzanın səbəblərini araşdırmaq və nəticələrini aradan qaldırmaq məqsədilə Dövlət Komissiyası yaradılıb.
Sərəncama görə, Dövlət Komissiyası hadisənin baş verməsi səbəblərini araşdırmalı və bu barədə Prezidentə məlumat verməlidir. Qəzanın nəticələrinin aradan qaldırılması üçün təxirəsalınmaz tədbirlər müəyyənləşdirilməli və həyata keçirilməli, görülmüş işlər haqqında ölkə başçısına mütəmadi məlumat verilməlidir.
Həmçinin, Baş Prokurorluq baş vermiş hadisənin səbəblərinin araşdırılması və təqsirkar şəxslərin müəyyən edilərək məsuliyyətə cəlb edilməsi üçün Daxili İşlər və Fövqəladə Hallar nazirlikləri ilə birlikdə təxirəsalınmaz istintaq tədbirlərini həyata keçirməlidir.
Dövlət Komissiyasının üzvü, Azərbaycan Milli Elmlər Akademiyası (AMEA) Fizika İnstitutunun direktoru Nazim Məmmədov işlərin gedişi barədə modern.az-a açıqlama verib.
Dövlət Komissiyasının üzvü hadisə ilə bağlı hazırda araşdırmaların davam etdirildiyini bildirib:
"Mingəçevirdəki İstilik Elektrik Stansiyasındakı qəza çox mürəkkəb şəraitdə baş verib. Ona görə komissiya hələ də araşdırır ki, buna səbəb nə olub. Hadisənin ilkin səbəbləri hələ ki bəlli deyil. Çünki orada o qədər faktlar var ki, gərək onlar tam araşdırılsın. Bu çox məsuliyyətli işdir”.
Nazim Məmmədov Dövlət Komissiyasının iclaslarının müntənzəm olaraq keçirildiyini də qeyd edib:
"Aparılan araşdırmaların nəticələri tam olaraq bəlli olandan sonra ölkə başçısına məruzə ediləcək”.
"Azərbaycan İstilik Elektrik Stansiyası” MMC-nin yarımstansiyalarından birində baş vermiş qəza ilə əlaqədar yaradılmış Dövlət Komissiyasının tərkibinə aşağıdakı şəxslər daxildir:
Komissiyanın sədri
Baş nazirinin birinci müavini Yaqub Eyyubov
Komissiya sədrinin müavini
Energetika naziri Pərviz Şahbazov
Komissiyanın üzvləri
Daxili işlər naziri Ramil Usubov
Fövqəladə hallar naziri Kəmaləddin Heydərov
Baş prokuror Zakir Qaralov
Dövlət Təhlükəsizliyi Xidmətinin rəisi Mədət Quliyev
"Azərenerji” ASC-nin prezidenti Etibar Pirverdiyev
"Azərişıq” ASC-nin sədri Baba Rzayev
Mingəçevir Şəhər İcra Hakimiyyətinin başçısı Niyazi Bayramov
Fizika İnstitutunun direktoru Nazim Məmmədov
Oxşar xəbərlər
Nura Suri daha iki nəfəri polisə verdi
Maqazin
16.03.2022
Əbülfəz Elçibəyin doğum günüdür
Ölkə
24.06.2021
"Bavariya" yeni transferə hazırlaşır
İdman
24.04.2022
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər