Kosmosda Rusiya modulunda çat yarandı: hava sızır, təzyiq düşür

Kosmosda Rusiya modulunda çat yarandı: hava sızır, təzyiq düşür

Beynəlxalq Kosmik Stansiyanın (ISS) Rusiya modulunda 4 santimetr ölçülü çat yaranıb.


Qaynarinfoxəbər verir ki, bu barədə "Roskosmos”un mətbuat xidmətinə istinadən İnterfaks məlumat yayıb.


"Havanın ISS-dən sızdığı çatlar 4 sm-dən çox deyil", - məlumatda ​​deyilir.


Heç bir şeyin stansiyanın və ekipajın təhlükəsizliyini təhdid etmədiyi qeyd olunur.


Bundan əvvəl kosmonavtlar Anatoli İvanişin və İvan Vaqner çay yarpaqlarından istifadə edərək "Zvezda” modulunun ara kamerasında bir çatlaq aşkar ediblər. Onlar çatı lentlə yapışdıraraq təzyiqi nəzarətdə saxlamaq üçün gecə lükü bağlayıblar.


Qeyd edək ki, ISS-də kiçik hava sızması 2019-cu ilin sentyabrında baş verib. 2020-ci ilin avqust-sentyabr aylarında ekipaj hermetikliyi yoxlamaq üçün stansiya modullarındakı lükləri iki dəfə bağlayıb. Sızıntının Rusiyanın "Zvezda” modulunun ara kamerasında olduğu ortaya çıxıb. İndi ekipaj ərazini lokallaşdırmaq və sızmanı aradan qaldırmaq üçün çalışır.


Xatırladaq ki, Beynəlxalq Kosmik Stansiyanın Rusiya "Zvezda” modulundakı təzyiq çatlaq kapton lentlə yapışdırıldıqdan sonra aşağı düşməyə, modulun havası bayıra çıxmağa davam edir. Bu haqda rus kosmonavt Anatoli İvanişin Yerlə danışıqlar zamanı məlumat verib.

 

Alpər

  • Tərəfdaşların xəbərləri
XƏBƏRLƏR
BLOGLAR