Mahir Mədətov Malta ilə oyundan sonra ağlayıb

Qaynarinfo xəbər verir ki, bunu oyundan sonra keçirilən mətbuat konfransında millimizin baş məşqçisi Qurban Qurbanov deyib:

"Mahirə həddən artıq böyük təzyiq var. Ancaq o, hər iki oyunda komandamızın ən çox hərəkət edən futbolçulardan biridi. Qol ötürməsini də o verdi. Bunu deməyim bəlkə də düzgün çıxmaz. Mahir oyundan sonra paltardəyişmə otağında ağlayırdı. Azarkeşlərin bu qədər basqısı ona mənfi təsir edir. Sizi əmin edirəm ki, bu futbolçular hər iki oyunda canlarını qoydular. Bu uşaqlara güvənmək, onları qazanmaq lazımdı. İnanın mənə ki, hər biri həddən artıq məsuliyyətlidi. Bəlkə də bu məsuliyyət son nöqtəni qoymaqda mane oldu. Bütün iradları üzərimə götürməyə hazıram".