"Mançester Siti" 116 milyon avroya futbolçu transfer edir

"Mançester Siti" heyətinə 100 milyon avroluq futbolçu qatmaq istəyir.

Qaynarinfo xəbər verir ki, "şəhərlilər" Harri Keynin transferi üçün "Tottenhem"ə rəsmi təklif göndərib. Bu barədə məlumat yayan italiyalı jurnalist Fabritsio Romano iddia edib ki, "Mançester Siti" London klununa 100 milyon funt-sterlinq (116.7 milyon avro) təklif edib. Hətta Mançester təmsilçisi qarşı tərəfi razı salmaq üçün bu məbləğlə yanaşı, oyunçularından birini verməyə də hazırdı.

Keynin özü də yay transfer dövründə "Tottenhem"i tərk etmək istəyir. Lakin klubun prezidenti Deniel Levi ulduz futbolçunu heyətdə saxlamaq niyyətindədi. Təcrübəli forvardın taleyinə Avropa çempionatından sonra aydınlıq gələcək.

Qeyd edək ki, "Tottenhem"in yetirməsi olan Harri Keyn əsas komandada 2011-ci ildə debüt edib. Son mövsümdə 49 rəsmi oyuna çıxan futbolçu 33 qol vurub və 14 məhsuldar ötürmə edib. "Transfermarkt" ona 120 milyon avro dəyər qoyub.

27 yaşlı forvard 2015-ci ildən İngiltərənin əsas millisinə çağırılır. Bu müddətdə 56 oyunda forma geyinərək 34 qola imza atıb.
X
XƏBƏRLƏR
BLOGLAR