Hər yerə 5 dəqiqəyə çatmaq mümkün olacaq xətti şəhər, səhrada dağ kurort kompleksi, üzən sənaye mərkəzi və daha bir çoxu. Bunların hamısı Səudiyyə Ərəbistanının gələcəyi əks etdirən futuristik şəhər layihəsində əhatə olunur. Amma bu misilsiz meqa layihə dünyanı təhlükə qarşısında qoya bilər. Bəs necə?

NEOM: Futuristik bir şəhər vizyonu

Qaynarinfo xəbər verir ki, Səudiyyə Ərəbistanının şimal-qərbində cəsarətli bir layihə vhəyata keçirilir. Bu vizion şəhər həyatını yenidən qurmağı və memarlıq yeniliklərinin sərhədlərini aşmağı hədəfləyir.

Layihənin mərkəzində isə dünya miqyasında maraq yaradan futuristik NEOM meqaşəhər layihəsi dayanır. Təxminən 26 min 500 kvadrat kilometr sahəni əhatə edən və 1 trilyon dollarlıq büdcəsi olan bu layihə hazırda tikinti mərhələsindədir. Layihənin miqyası ilə bağlı son məlumatlar isə qlobal inşaat sektorunda əks-səda doğurur. Çünki Səudiyyə Ərəbistanı NEOM layihəsi üçün dünyadakı bütün poladın 1/5-ni istifadə etməyi planlaşdırır.

Hədəf: xətti şəhər yaratmaq

NEOM layihəsi 7 il əvvəl vəliəhd şahzadə Məhəmməd bin Salman tərəfindən elan edilib. Krallığın iqtisadiyyatını müxtəlifləşdirmək və neft gəlirlərinə olan asılılığı azaltmaq məqsədi daşıyan bu futuristik şəhər layihəsi, "Səudiyyə Vizyonu 2030"un əsas sütunlarından biri kimi nəzərdən keçirilir. Layihənin əsas hissəsi olan "The Line" (Xətt) isə tamamilə yeni bir şəhər konsepti təqdim edir.

500 metr hündürlüyə və 170 kilometr uzunluğa malik olacaq və tamamilə aynalı fasadla örtüləcək The Line, həm daxili, həm də xarici memarlıq üçün böyük miqdarda polad tələb edir. Bu xətti şəhərdə 9 milyon insan yaşayacaq və bütün xidmətlərə 5 dəqiqəlik piyada məsafədə çata biləcək.

Lakin NEOM əlbəttə ki, təkcə The Line ilə məhdudlaşmır. Layihə Oxagon (üzən sənaye mərkəzi), Trojena (səhrada dağ kurortu), Sindalah adasının (ada cənnəti) və bir çox digər meqapolislərə cavabdehdir. Bu şəkildə nəzərdən keçirildikdə, hər biri fərqli dizayn və mühəndislik tələbləri olan meqa layihələrin böyük miqdarda polad istehlak etdiyi görülə bilər. Polad təkcə davamlılıq üçün deyil, həm də enerji səmərəliliyi, davamlılıq və innovativ dizaynlar üçün lazımdır. Bu, Səudiyyə Ərəbistanının bütün meqa layihələri üçün polad tədarükü üçün dünya poladının 20 faizindən istifadə etməsinə səbəb olur.

Polad tələbinin qlobal təsirləri

NEOM layihəsinin dünya poladının 20%-ni istifadə etməsi, qlobal tədarük zəncirinə təsir göstərə bilər. Bu miqyaslı tələbat polad qiymətlərinin artmasına və kiçik-miqyaslı layihələrin tədarükdə çətinliklərlə üzləşməsinə səbəb ola bilər. Xüsusən də inkişaf etməkdə olan ölkələrdə infrastruktur layihələri bundan zərər çəkə bilər.

Ekoloji nəticələr

Polad istehsalı enerji intensiv bir proses olduğundan, NEOM layihəsinin artan tələbatı ətraf mühitə mənfi təsirlər yarada bilər. Bu, karbon emissiyalarının artması və təbii resursların sürətlə tükənməsi kimi problemlərə gətirib çıxara bilər.

NEOM layihəsi gələcəyin şəhərlərini qurmağı və Səudiyyə iqtisadiyyatını diversifikasiya etməyi hədəfləsə də, bu, dünyanın mövcud resurslarına ciddi təsirlər yarada bilər.

Aydın