Venesuelada prezident Nikolas Maduroya sui-qəsd planlaşdıran 9 kolumbiyalı saxlanılıb.
APA-nın “BBC”yə istinadən verdiyi xəbərə görə, Venesuelanın daxili işlər naziri Miqel Rodriges bəyan edib ki, kolumbiyalılar paytaxt Karakasa gələrək, burada digər sui-qəsdçilərə qoşulmağı planlaşdırıbmış.
Nazirin sözlərinə görə, əməliyyat çərçivəsində həbslər davam etdiriləcək.
Xatırladaq ki, Nikolas Maduro 2013-cü ilin aprelində keçirilmiş prezident seçkilərində ölkə rəhbəri vəzifəsində xərçəngdən vəfat etmiş Uqo Çavesi əvəz edib.
Şərhlər