İdman 12:52 07.09.2023

Ramosu ağlatdılar: "Çətin olduğunu bilirəm"

18 ildən sonra yetirməsi olduğu "Sevilya"ya qayıdan Serxio Ramos üçün  "Ramon Sanchez Pizxuan"da möhtəşəm qarşılama mərasimi keçirilib.

Qaynarinfo-nun məlumatına görə Ramos mərasim zamanı göz yaşlarına hakim ola bilməyib. Bununla yanaşı, iddialı açıqlamalar verib. PSJ-də qalmaq imkanının olduğunu hiss etdiyini, lakin "Sevilyada"kı vəzifəsini tamamlamadığını bildirən təcrübəli müdafiəçi, "Ümid edirəm ki, İvan Rakitiç və Xesus Navas kimi Çempionlar Liqasının kubokunu başımın üzərinə qaldırmaq imkanım olacaq. Çətin olduğunu bilirəm. İlk iş uğura inanmaqdır. Çox yaxşı və güclü komanda formalaşdırılacağına əminəm" - sözlərini söyləyib.

Səbuhi Həsənov