Azərbaycanlı milyarder oğlunu məşhur klubun rəhbərliyinə gətirdi

Azərbaycanlı milyarder oğlunu məşhur klubun rəhbərliyinə gətirdi

Rusiyanın "Spartak" klubunun Direktorlar Şurasına iki yeni üzv qəbul olunub.

"Report"un məlumatına görə, bunlar Zarema Salihova və Yusuf Ələkbərovdur.

Salihova eyni zamanda klubun Audit və Mükafatlandırma Komitəsinə rəhbərlik edəcək. O, "qırmızı-ağlar"ın prezidenti və səhmdarlarından biri Leonid Fedunun həyat yoldaşıdır.

Yusuf Ələkbərov isə klubun daha bir səhmdarı, əslən azərbaycanlı milyarder Vahid Ələkbərovun oğludur.

Hər iki şəxs səhmdarların ümumi yığıncağının qərarı ilə klub rəhbərliyinə gətirilib.

Qeyd edək ki, hazırda "Spartak" Premyer Liqada 27 oyundan sonra 50 xalla 3-cü pillədə qərarlaşıb. Domeniko Tedeskonun baş məşqçi olduğu komanda bu gün Tula "Arsenal"ını məğlub edəcəyi təqdirdə, "Lokomotiv"i keçərək 2-ci sıraya yüksələcək.
  • Tərəfdaşların xəbərləri
XƏBƏRLƏR
BLOGLAR