Ölkə 20:06 09.12.2023

Bakıda 5 min manat oğurlayan əcnəbi saxlanıldı

Bakıda 5 min manat oğurlayan əcnəbi vətəndaş saxlanılıb.

Qaynarinfo xəbər verir ki, bu barədə Daxili İşlər Nazirliyi məlumat yayıb.

Bildirilib ki, Nəsimi rayonu ərazisində Bakı şəhər sakini olan bir nəfərin 5 000 manatının oğurlanması barədə polisə məlumat daxil olub.

Bakı Şəhər Baş Polis İdarəsi əməkdaşlarının keçirdikləri tədbirlərlə oğurluq əməlində şübhəli bilinən əcnəbi vətəndaş müəyyən olunaraq saxlanılıb.

Faktla bağlı araşdırma aparılır.