Müasir müharibə artıq yalnız döyüş meydanında başlamır. Kiberhücumlar, sıradan çıxarılmış peyklər, dron dəstələri və hipersəs raketlər... Potensial qlobal münaqişənin ilk 7 günündə dünya necə addım-addım dəyişə bilər?

Qaynarinfo xarici mediaya istinadən bu ssenarini təqdim edir:

1-ci gün: Kiberhücumlar qlobal sistemi hədəf alır

Mümkün qlobal qarşıdurmanın ilk günü bir çox insanın düşündüyü kimi partlayışlarla başlamaya bilər. Savaşın ilk addımı rəqəmsal dünyada baş verir. Kritik infrastruktur hədəfə alınır. Elektrik şəbəkələri, bank sistemi və kommunikasiya şəbəkələri eyni anda hücuma məruz qalır. Elektrik kəsintiləri şəhərləri qaranlığa qərq edir, bank sistemlərinin dayanması isə iqtisadi panikaya səbəb olur. İnternet və kommunikasiya şəbəkələrinin kəsilməsi məlumat axınını ciddi şəkildə yavaşladır. Bu ssenari müasir dünyada texnologiyanın nə qədər kritik olduğunu göstərir və müharibənin artıq rəqəmsal cəbhədə başladığını ortaya qoyur.

2-ci gün: Peyklər hədəfə alınır, qlobal naviqasiya sistemi sarsılır

Savaşın ikinci günündə diqqət kosmosa yönəlir. GPS sistemlərinin fəaliyyətinin dayandırılması yalnız hərbi əməliyyatları deyil, gündəlik həyatı da təsir edir. Təyyarələr, gəmilər və logistika şəbəkələri istiqamət tapmaqda çətinlik çəkir. Kəşfiyyat toplama qabiliyyəti azalır və ölkələrin bir-birləri haqqında real vaxt məlumat əldə etməsi çətinləşir. Kosmos artıq yalnız elmi araşdırmaların deyil, müasir müharibənin də kritik sahəsi halına gəlib.

3-cü gün: Dron sürüləri və avtonom silahlar ilk böyük qarşıdurmaları başlayır

Üçüncü gün müharibə sahada görünməyə başlayır. Lakin bu dəfə döyüş meydanında minlərlə insan yox, minlərlə insansız sistem iştirak edir. Kiçik, sürətli və koordinasiyalı işləyən bu sistemlər hərbi bazaları, döyüş gəmilərini və zirehli vasitələri hədəf alır. Süni zəka dəstəyi sayəsində hücumlar daha sürətli həyata keçirilir. Bu mərhələdə müharibənin tempi ciddi şəkildə artır.

4-cü gün: Donanmalar hərəkətə gəlir, okeanlarda böyük güc nümayişi başlayır

Dördüncü günlə birlikdə qarşıdurma dənizlərə yayılır. Böyük döyüş gəmiləri, təyyarə daşıyan gəmilər və nüvə sualtı qayıqlar strateji bölgələrdə mövqe tutur. Dənizdəki bu hərəkətlilik qlobal ticarət yollarını da təhdid edir. Təyyarə daşıyan gəmilər döyüş təyyarələrini daşıyaraq hava üstünlüyü üçün kritik rol oynayır. Sualtı qayıqlar isə görünmədən hərəkət edərək caydırıcılıq təmin edir. Okeanlar bu mərhələdə müharibənin ən kritik səhnələrindən birinə çevrilir.

5-ci gün: İnternet infrastrukturu hədəfə alınır, qlobal kommunikasiya ciddi şəkildə sarsılır

Beşinci gün hücumların hədəfi dünya internet infrastrukturu olur. Okeanların altında uzanan məlumat kabelləri və kommunikasiya sistemləri strateji hədəf kimi seçilir. Dünya üzrə internet kəsintiləri baş verir. Məlumat mərkəzləri və peyk şəbəkələri hücuma məruz qalır. Bu vəziyyət maliyyə sistemlərindən sosial mediaya qədər bir çox sahəyə təsir edir.

6-cı gün: Hipersonik raketlər və görünməz bombardman təyyarələri işə düşür

Altıncı gün müharibənin texnoloji tərəfi ən yüksək səviyyəyə çatır. Hipersonik raketlər səs sürətindən bir neçə dəfə sürətli hərəkət edərək müdafiə sistemlərini çətin vəziyyətə salır. Görünməz bombardman təyyarələri radar sistemlərindən gizlənərək hədəflərə yaxınlaşır. Hava müdafiə sistemləri bu təhlükələri qarşısını almaq üçün intensiv fəaliyyət göstərir.

7-ci gün: nüvə gərginliyi zirvəyə çatır

Yeddinci gün qlobal gərginliyin ən təhlükəli nöqtəyə çatdığı mərhələ kimi göstərilir. Bu mərhələdə veriləcək qərarlar yalnız müharibənin gedişatını deyil, insanlığın gələcəyini də müəyyən edə bilər. Nüvə silahlarının işə düşmə ehtimalı qlobal miqyasda böyük narahatlıq yaradır.

Aydın