Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Vahid Qazi
Ölkə
12:10 13.10.2018
Təcrübəli təcrübəsizlər
Siyasi didişmələrə sözardı
Vahid Qazi
1993-cü ilin iyun ayı idi. Surət Hüseyov qiyamını etmişdi.
Qiyamdan bəhrəsini götürən götürmüşdü.
Ölkə başçısı da başını götürüb getmişdi. Başçısız qalan prezident aparatında isə hamı başını itirmişdi.
İşlədiyim ərazi hakimiyyət və idarəetmə orqanları ilə iş üzrə müşavirliyimizdə sovetdənqalma əməkdaşlarda arxayın tövr, çevriliş (inqilab da deyirik) dalğasının bura atdığı biz gənclərdə isə ümidsiz hal vardı.
***
"Real” öncüllərindən Erkin Qədirlinin neçə gündü müzakirə olunan "Hakimiyyət bir müddət qalmalıdır ki, müxalifət təcrübə toplaya bilsin” fikri 25 il əvvəlin həmin günlərində olmuş bir söhbətini yadıma saldı.
O iyun günlərinin birində müşavirliyin eyni adlı şöbəsinin müdir köməkçisi Əfruz Niftiyev sifətimdə gözü nə almışdısa təsəlli verirmiş kimi təxminən belə bir söz işlətmişdi: "Etiraf edək ki, təcrübəsizik. Gedək, kitab oxuyaq, dil öyrənək, təcrübə toplayaq, sonra yenə gələrik”.
Getməyinə getdik, amma oxuyub, öyrənib, təcrübələnib qayıtmadıq!
Qayıtmaq bir yana, hələ də bilmirik ki, sən demə, hakimiyyətə gəlmək, onu saxlamaq üçün gərəkən iki şey varsa, biri xaricilərin, o bir də öz xalqın dilində danışmağı öyrənməkdi.
25 ildə müxalifətimiz bu iki dili öyrənə bilmədi. Baxıram, siyasət meydanına təzə gəlmiş "realçılar” da eyni haldadı. Bir dəfə onları "dekabristlərə” bənzətdim, xətirlərinə dəydi. Bir dəfə də Erkin bəyin Vaşinqton çıxışına qınaq ifadəsi kimi fikrimi bloqumda yüngülcə yazdım. Ta yazmıram, demirəm!
Başqalarını bilmirəm, 25 ilin "təcrübəsi” mənə onu öyrətdi ki, ingilis dilində danışmaq hələ ingilisin, amerikalının dilində danışmaq deyil.
Heç Azərbaycan türkcəsində bülbül kimi ötmək də Azərbaycan xalqının dilini bilmək sayılmır.
25 ilin təcrübəsi onu da göstərdi ki, ABŞ-ın, Avropanın dilini ən yaxşı bilən ömründə ingiliscə bir kəlmə kəsməyən Heydər Əliyev imiş. Sən demə, Azərbaycan dilində rus aksentində danışsa da İlham Əliyev öz xalqının dilini bütün siyasətçilərdən gözəl bilirmiş. Yoxsa, 15 ildən sonra daha 7 il də seçməzdi onu bu xalq.
***
Son vaxtlar siyasi gündəmi tutan didişmələr, bir-birinin sözünü həzm etməyib düşməncə davranmalar adamı 25 il əvvəlin havasına kökləyir. Ruhdan salır, inamsızlıq aşılayır. Bunu bizə ancaq düşmən arzulayar!
Ürək ağrıdan odur ki, bu gün cəmiyyətdə "birləşdir, yönəlt” yox, "parçala, hökm et” əxlaqı hakimdi.
Azərbaycan cəmiyyəti heç vaxt bu günkü qədər param-parça olub hissəciklərə, qrupcuqlara, zərrəciklərə bölünməyib.
Özü də böyrümüzdə düşmənimizin birləşib yumruq halında meydanlara çıxdığı bir vaxtda. Təzə erməni lideri dünyanın 84 ölkəsindən liderləri Yerevana toplayıb rəqs elədiyi zamanda.
Nə deyirdim?
Topalaşa bilməyi öyrənək! Topalaşıb bir-birimizlə danışmaq təcrübəsi qazanaq!
Sonra dünyanın da, xalqın da dilini tapmaq asan olacaq.
…tələsmək lazımdı, çox gecikmişik.
Oxşar xəbərlər
Yaddaşı silinmiş şəhər
Ölkə
21.07.2023
Rus ordusu haqda mifin sonu
Dünya
26.09.2022
Xəzərdən Baltikə
Ölkə
06.10.2022
Qərib qəribi sükutundan tanıyır!
Sənət
10.11.2024
Azərbaycanlı olmaq asanmı?
Ölkə
27.07.2022
Nobel mükafatını həbsxanada almaq
Dünya
08.10.2022
Yurd yerindən sürreal reportaj
Foto
29.05.2023
Boris Yeltsin: Görünənin görünməyən üzü
Dünya
03.06.2024
Qumla London arasında Bakı
Siyasət
06.08.2022
Bizim sirli-sehrli Güney
Ölkə
27.10.2022
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər